Në sallën e madhe të Shtëpisë së kulturës “Abdulla Krashnica” në Preshevë, u mbajt manifestimi tradicional “Kultura na bashkon 2020”, në theks të veçantë, tribuna letrare “Letërsia e Luginës dje dhe sot”.
Pasi kryetari i Shoqatës së Shkrimtarëve “Feniks”, Bilall Maliqi, foli për Manifestimin në fjalë dhe për aktivtetet e shumta që po i organizon shoqata që e drejton dhe pasi i përshëndet dhe i falënderoi për pjesëmarrje poetët nga Kosova dhe nga Lugina, shprehi keqardhje për mungesën e poetëve pjesëmarrës të konkursit letrar nga Maqedonia e Veriut dhe nga Shqipëria, që për shkak të Pandemisë Covid 19, dhe për shkak të PCR testit nuk munden të vijnë edhe pse ishin të ftuar. Pastaj e shpalli të hapur Manifestimin.
Moderatore e Manifestimit, Shëndrita Ademi, filloi me Tribunën letrare “Letërsia e Luginës dje dhe sot” , ku ftoi kumtuesin e parë, shkrimtarin Hysen Këqiku ta merr fjalën, pas tij me kumtesë u paraqit , poeti Arsim Halili.
Në pjesën e dytë të Manifestimit u mbajt edhe ora e madhe letrare, në të cilën lexuan poetë nga Kosova dhe nga Lugina, ndërsa ata nga Maqedonia e Veriut dhe nga Shqipëria munguan, porse në konkurs kishin konkurruar.
Për konkursin në fjalë ishte formuar juria profesionale për përzgjedhjen e katër poezive më të mira të paraqitura në konkursin letrar, në përbërje : Nexhat Rexha (kryetar), Selajdin Shabani (anëtar) dhe Arsim Halili (anëtar), të cilët zgjodhën këto poezi:
Çmimi i parë i takoi poetes nga Kukësi, Vera Istrefaj, poezia “Ngjyrë e dhimbjes”;
Çmimi i dytë i takoi poetit nga Gjilani, Hysen Këqiku, poezia “Fjala”;
Çmimi i tretë i takoi poetit nga Kumanova, Sevdail Demiri, poezia “Turbullirë”
Çmimi special i takoi shkrimtarit nga Presheva, Mexhid Mehmeti, poezia “Pelegrinazh”.
U ndan mirënjohjet për kumtuesit, për jurinë, u ndan edhe çmimet letrare si dhe certifikata për pjesëmarrje të poetëve në konkursin letrar.
Në emër të Këshillit Kombëtar , zvkryetari i këtij institucioni , z. Enver Mehmeti, e nderoi me mirënjohje në emër të KKSH-së, shkrimtarin Mexhid Mehmeti, për kontributin e tij të dhënë në letërsi, kulturë, arsim dhe publicistikë në Luginën e Preshevës.
U ndan edhe mirënjohje për kontribut: Fatos Mustafës dhe kontabilistit, Naser Duraku, ndërsa për bashkëpunim, shtëpisë së kulturës “Abdulla Krashnica” në Preshevë.
Vlen të ceket se ky projekt u mbështet nga Ministria e Kulturës dhe e Informimit e Republikës së Serbisë.
Në fund për të gjithë pjesëmarrësit u shtrua një drekë e përbashkët në restoranin “Llozana “ në Preshevë.
/Nacionali/
No Comment