Medreseja e Luginës së Preshevës, shpall konkurs, për afatin e parë në Medresenë e Luginës së Preshevës për pranimin e nxënësve të rregullt ( djem dhe vajza ) për vitin e parë, të vitit shkollor 2021/2022.
Shkollimi në Medrese, zgjatë katër vite shkollore. Nxënësit që regjistrohen në Medresenë e Luginës së Preshevës, do t’i kenë këto mundësi: Ushqimin, rrugën, literaturën falas si dhe shëtitjen në vend dhe jashtë vendit.
Gjatë këtij viti shkollor, nxënësit e Medresesë së Luginës së Preshevës do ta kenë mundësinë e mësimit më të lehtë, ngase, nisur nga shtatori do të fillojë mësimi me dixhitalizim, në shkollën tone,shprehet koordinatori i shkollës, Ismail Halimi.
Kushtet …
Kandidatët që dëshirojnë të regjistrohen në Medrese, duhet t’ i plotësojnë këto kushte:
1· Të mos jenë më të vjetër se 17 vjeç.
2.Të kenë të kryer shkollën fillore me sukses të shkëlqyeshëm ose shumë mirë.
3.Të japin provimin pranues në Medrese.
Provimi pranues përbëhet nga gjuha amtare, kiraeti, testi revizional nga (ILMUD-DINI).
Provimi pranues do të mbahet më 05.07. 2021 në lokalet e Medresesë së Luginës së Preshevës duke filluar prej orës 11:00.
Dokumentet e domosdoshme për regjistrim, janë:
1. Kërkesa për regjistrim nga kandidati ,
2. Certifikata e lindjes nga libri i amzës,
3. Dëftesat për kryerjen e klasës së (V,VI,VII,VIII),
4. Certifikata e mjekut,
5. Deklaratë me shkrim nga prindi ose kujdestari i nxënësit se do të bartë përgjegjësi morale dhe materiale për birin/bijën e tij gjatë shkollimit,
6. Vërtetim nga Këshilli përkatës.
Dokumentacioni për regjistrim, dorëzohet në drejtorinë e Medresesë së Preshevës.
Nxënësit të cilët do të pranohen në Medrese, do të informohen përmes tablos së Medresesë, kurse dokumentet e nxënësve të cilët nuk pranohen, do t’u kthehen aty ku i kanë dorëzuar.
Vërejtje:
Nxënësi i cili ka arritur të japë provimin pranues, nuk nënkupton se është regjistruar në Medrese, ngase detyrimisht duhet t’i nënshtrohet regjistrimit shkollor.
/Nacionali/
No Comment