Nacionali.info ka realizuar një intervistë me Mensur Hyseni, i cili po pretendon të futet në librin Guinness, dhe një gjë të tillë pretendon ta bëjë me disiplinën e forcës.
Nacionali: Ju përveç që punoni në shkollë, profesor i edukatës fizike, keni edhe fitness klub. Na thuani a po ka interesim rinia të merret me këtë lloj të sportit?
Hyseni: Po, prej vitit 2007 jemi të punësuar në shkollën se mesme teknike “Presheva” në Preshevë, ku edhe sot e kesaj dite e ushtrojmë detyrën e profesorit në këtë shkollë. Duke parë interesin se Presheva nuk kishte palestër fitnesi të udhëhequr nga instruktorë profesionist, na lindi ideja mua se bashku me bashkëshorten time, Prof. Remzije Hyseni, se në Preshevë duhet të hapet një palestër fitnesi dhe ate me pajisje aerobiku dhe kardio, ku të kenë mindesinë të ushtrojnë, sidomos gjinia femërore. Dhe ashtu ndodhi ,viti 2010 ishte vit ku u thyen te gjitha tabutë për shkak se për herë të parë në Preshevë u hap një klub fitnesi i udhëhequr nga dy instruktorë të licencuar. Sa i përket interesit mund te themi se është i kënaqshëm për shkak se ka filluar të kuptohet rëndësia e ushtrimeve trupore. Është për ta potencuar dhe përshëndetur se frekuentimi në palestrën tonë nuk është vetëm nga moshat e reja, por edhe ato të mesme dhe nga moshat e shtyra dhe atë nga të dy gjinitë. Për këtë u jemi mirënjohës për besimin që kanë ndaj nesh.
Nacionali: Kemi dëgjuar se do të hyni në një liber Guiness, na thuani për çka është fjala?
Hyseni: Sa i përket tentativës për thyerjen e rekordit Guiness, ne ja kemi ngarkuar vetes këtë detyrë shumë të vështirë dhe jemi shumë optimistë se do të jem shqiptari i parë në botë që do të hyjmë (shpresojmë në aftësitë tona) në librin e rekordeve Guiness, sa i përket disiplinës së forcës. Dispilina ku kemi arritur kushtin (kushti ishte që 40 krahëpërkulje duhet të arrihet të ekzekutohen me peshë 60 pound brenda një minuti) që të bëhemi pjesë e konkurrencës është dipilnia e paraleles (ose siç njihet në sportin e fitnesit DIPS), ku rekordi altual mbahet nga bjellorusi Hauyeni Los, i cili ka arritur që brenda kohës prej 1minuti me 60 pound (27.5kg) peshë mbi supe të realizoj 53 krahëpërkulje. Prej vitit 2018 nuk ka arritur askush ta sfidoj sa i përket thyerjes së rekordit. Ne për momentin kemi arritur që të reazlizojmë 50 krahëpërkulje dhe na nevojiten vetëm edhe 4 të tjera. Se sa e vështirë është arritja e vetëm edhe 4 krahëpërkuljeve, kjo janë më të vështira sesa 50 të tjerat, për arsye se muskujt kanë një sforcim ekstrem dhe se muskuj nuk rezistojnë më. Mendoj në bazë të parashikimive që brenda 2 muajve të shtojmë dhe 2 të tjera dhe dasht Zoti mos të kemi ndonjë lëndim për shkak të ngarkesave gjatë stërvitjeve.
Nacionali: Çka e kompleton një person që merret me këtë lloj të sportit?
Hyseni: Duhet të kuptohet së pari se sporti paraqet shëndet, e kur flasim për sportin e fitnesit nënkuptojmë artin e shfaqjes së linjave trupore. Sporti i fitnesit sot ka numër më të madh praktikuesish në të gjithë botën, për shkak të rëndësisë që ka në organizmin e njeriut. Sporti i fitnesit pos që ndikon në performancen funskionale të njeriut si në sistemin kardiovaskular dhe respirator, ai ka rol dominant në strukturën e jashtme të njeriut dhe për këtë arsye përqafohet nga çdo kush ky lloj sporti, sepse e bën njeriun të duket bukur, komod dhe elegant. Personat që praktikojnë sportin e fitnesit qoftë me karakter rekreativ apo professional, karakterizohen me vetëbesim, relaksim, gjatë jetës së tyre, për shkak të vetë proceseve biokimike që ndodhin në trupin e tyre gjatë aktiviteteve fizike. Ky lloj sporti është ndër sportet më të kushtueshme, jo për faktin pse duhet të kemi atlete te shtrenjta, por duhet të kemi një ushqim specifik të përditshëm dhe të mjaftueshëm në sasi dhe cilësi.
Nacionali: Sa kohë keni që merreni me këtë lloj të sportit dhe cila do të ishte porosia e juaj për rininë?
Hyseni: Ishte viti 1998 , qysh më moshën 15 vjeçare filluam të shtrëngonim shufrat (hekurat) e parë të fortë dhe ate veglat ishin të sajuara nga individ të asaj kohe dhe ishin pa standarde të kohës së sodit. Prej vitit 1998 e deri në ditët e sotit nuk kemi ndaluar as edhe një moment së ushtruari këtë lloj të sportit fisnik. Ishim pioner i parë si djalosh i ri në mesin e djelmoshave më të vjetër, të cilët kishin bërë trupa të ndeërtuar me ate kohë dhe ishin ispirim për ne. Mund të përmendi se shumë herë nuk na lejonin në palester të stërvisim për shkak të moshës së re që kishim, mirëpo dëshira dhe vullneti jonë ishte i madh dhe në fund më lejonin të stërvisim bashkë.Vlen të permendi Prof. Ylber Halitin, i cili ishte Herkulesi i asaj kohe. Porosia ime është që çdo njeri, pavarësisht moshës dhe gjinisë të bëjnë së paku ushtrime rekreative, 2-3 herë në javë, nga 30-45 minuta, për shkak të shumë pasojave që sjell jeta pasive dhe sedentare. Dukuri tjetër është edhe edhe mbipesha, sidomos tek moshat e reja, ku çdo kush duhet të dije se etiologjia (prejardhja) e çdo semundjeje vjen nga mbipesha dhe ate duke u nisur nga hipertensioni, arterosleroza, diabeti deri tek infarktet e zemrës. Prandaj ta çmojmë shendetin se është gjëja më sublime, ku vetëm me shëndet të mirë mund të jemi produktiv për veten tonë, familjen dhe shoqërinë.
/Nacionali/
No Comment