Dy Ministrat e Qeverisë së Republikës së Kosovës: Ministri i drejtësisë, z. Selim Selimi dhe Ministresha e Punëve të Jashtme, zonja Melisa Haradinaj –Stublla , sot vizituan dy komunat tona.
Takimi i parë ishte me kryetarin e komunës së Preshevës, Shqiprim Arifi, i cili i priti në kabinetin e tij, por para takimit të dy ministrat vendosën kurorë lulesh te vendi i pllakës përkujtimore të 28 dëshmorëve të UÇPMB-së.
Po ashtu ministrat u takuan edhe me deputetin popullor, z. Argjend Bajramin.
Pas takimit që kishin me kryetarin Arifi, dhe me deputetin Bajrami, delegacioni vizitoi disa nga firmat private që janë në territorin e komunës së Preshevës si : “West Lime”, fabrikën e këpucëve “Solid” fabrikën e pijeve joalkoolike “Fluidi” etj.
Më pas vizituan shtëpinë e kulturës “Abdulla Krashnica” në Preshevë ku u pritën nga drejtori i saj, z. Valon Nuhiu, pastaj Zyrën për të Rinj dhe Shoqatat Joqeveritare.
Vazhdën e takimeve të njëpasnjëshme dy ministrat vizituan Këshillin Kombëtar Shqiptar ku u takuan me kryetarin e saj z. Ragmi Mustafa, pastaj me kryetarin e komunës së Bujanocit, z. Shaip Kamberi, njëherit edhe deputet popullor në Parlamentin serb dhe me kryetarin e ardhshëm të komunës së Bujanocit z. Nagip Arifi.
Po ky delegacion vizitoi edhe selinë e PVD-së në Preshevë ku u takuan me kryetaren e degës, zonjën Ardita Sinanin.
/Nacionali/
No Comment