Më në fundë pas disa muaj negociatash Lidhja Demokratike e Kosovës dhe Lëvizja Vetëvendosje sot formuan qeverinë e re të Republikës sē Kosovës me Albin Kurtin kryeministër.
Për shqiptarët e Luginës së Preshevës është interesant fakti se në këtë qeveri do të kemi një ministër me prejardhje nga fashti Tërnoc i Bujanovcit.
Lumir Abdixhiku do të jetë ministër i Infrastruktures dhe Ambientit në Qeverinë Kurti.
Shqiptarët e Preshevës, Bujanocit dhe Medvegjës presin me padurim që Z. Abdixhiku të ngris zërin në përkrahje të shqiptarëve të Luginës së Preshevës.
Por kush është Lumir Abdixhiku?
Lumir Abdixhiku me prejardhje nga Tërnoci lindi në Prishtinë. Shkollën fillore, atë të mesme dhe studimet universitare i përfundoi në Prishtinë. Në vitin 2006 ka marrë titullin magjistër shkence në Universitetin e Staffordshire të Britanisë; në fushën e Moralit fiskal.
Në vitin 2013 ai ka marr titullin doktor shkence i ekonomisë, nga Universiteti Staffordshire, pas katër viteve hulumtimi e kërkimi në fushën e determinantëve të evazionit fiskal të bizneseve në vendet e tranzicionit.
Z.Abdixhiku gjithashtu është drejtor ekzekutiv i Institutit “Riinvest”. Ai i është bashkuar Institutit në vitin 2005 dhe që nga atëherë është i angazhuar në disa projekte kërkimore, të avokimit e zhvillimit – në Kosovë dhe jashtë saj. Lumiri gjithashtu mbanë një kolumne të rregullt javore në gazetën “Koha Ditore”.
Lumir Abdixhiku është i martuar dhe ka dy vajza.
/Nacionali.info/
No Comment