Opinion nga Bilall Maliqi
Në Luginë të Preshevës, gjendja me virusin Covid 19 është alarmante. Çdo ditë e më shumë po lajmërohen raste, krijohet përshtypja se çdo i dyti apo i treti është i infektuar me këtë virus që merr në heshtje jetë njerëzish.
Është e patjetërsueshme që autoritetet qeveritare nga Kosova të dalin me një konkluzion për t’u dalur në ndihmë mjekësore vëllezërve të tyre nga Lugina e Preshevës, për t’u ndihmuar drejtpërdrejtë në spitale të Kosovës, qoftë edhe me dërgimin e ekspertëve në Luginë nga lëmia përkastëse si: epidemiologë, pulmologë etj., të cilët së bashku me mjekët nga Lugina do t’u dalin në ndihmë qytetarëve, e në raste të rënda të transportohen qoftë në spitalin e Nishit, disa edhe në spitale rajonale të Kosovës, meqenëse ka rritje enorme të të infektuarve.
Kjo ndihmë si me aparatura të nevojshme, të cilat nuk i kanë shtëpitë e shëndetit në Luginë dhe me mjek profesionist të kësaj lëmie, do të ishte një ndihmesë shumë e madhe për popullatën tonë.
Duhet të interesohen qeveritarët nga Kosova, njëjt siç interesohet shteti serb për popullatën serbe në Veri të Kosovës, si në aspektin shëndetësor dhe në aspekte të tjera të jetës së përditshme.
Mosinteresimi i shtetit të Kosovës, sidomos në këtë kohë të rrezikshme pandemie është katastrofale për shqiptarët e Luginës, të cilët tanimë janë mes jetës dhe vdekjes, edhe pse në spitalet e Vrajës, Surdulicës dhe të Nishit po trajtohen rastet, por ato spitale janë të mbingarkuara, kështuqë ndihma nga Kosova është e patjetërsueshme, në mënyrë që të parandalohen rastet e rënda, të cilat po përfundojnë me fatalitet…
Bilall Maliqi
/Nacionali/
No Comment