Pas zgjedhjeve të mbajtura në Bashkësinë Islame të Kosovës për Komunën e Preshevës, Mr. Nexhmedin Ademi është zgjedhur në krye të saj, dhe sot ai ka marrë detyrën e re në këtë institucion.
Në njoftimin e BIK në Preshevë në facebook rreth zgjedhjeve të reja mes tjerash thuhet:
“Pas vendimit të Kryesisë së Bashkësisë Islame të Kosovës për verifikimin e zgjedhjes së Kryetarit dhe anëtarëve tê rinj në Këshillin e Bashkësisë Islame në Preshevë, sot më 12. 04. 2021 në ambientet e Këshillit të Bashkësisë Islame në Preshevë në një atmosferë vëllazërore u bë pranim-dorëzimi i detyrës së Kryetarit të ri në Këshillin e Bashkësisë Islame në Preshevë. Me një mandat të ri Mr. Nexhmedin Ademi mori detyrën nga ish Kryetari Sevdail Jakupi. Kryetari aktual e falenderoi pararendësin e tij Sevdail Jakupi për kontributin e dhënë gjatë mandatit të kaluar. Që të dy u zotuan se do të vazhdojnë aktivitetin me qëllim të ruajtjes dhe forcimin e vlerave të trashëgimisë kulturore Islame në Luginë të Preshevës. “
Mr. Nexhmedin Ademi është imam i Xhamisë së fshatit Corroticë!
No Comment