Ditëve të fundit, një grup aktivistësh dhe humanitar nga Presheva kanë filluar një aksion për t’i ardhur në ndihmë familjeve në nevojë gjatë kësaj periudhe të gjendjes së jashtëzakonshme.
Më poshtë gjeni intervistën nga njëri ndër organizatorët e kësaj nisme, z. Shaip Bajrami nga Corrotica e Preshevës.
Nacionali: Ju dhe disa shokë keni marrë një aksion për ndihmë familjeve në nevojë. Na thuani si lindi kjo ide?
Shaip Bajrami: Po duke biseduar me Burhan Jahiun në telefon, lindi ideja. Arsyeja kryesore ishte corona virusi, kufizimet e qarkullimit të njerëzve edhe pse e dimë se gati çdo fshat në Luginë kanë shoqata dhe nuk u shihte ndonjë aktivitet. Komuna s’di a ka ndihmu në këtë gjendje të jashtëzakonshme. Kjo ishte arsyeja.
Nacionali: Me çka u ndihmoni, direkt me mjet financiare apo me gjësende ushqimore?
Shaip Bajrami: Ne u ndihmojmë me gjëra ushqimore dhe higjienike, jo me para të gatshme.
Nacionali: Kur keni filluar këtë aksion?
Shaip Bajrami: Këtë aksion ne e kemi filluar më 24.03.2020 dhe po vazhdon edhe më tutje.
Nacionali: Sa familjeve u keni ndihmuar deri më tani?
Shaip Bajrami: Vetëm sot, më 28.03.2020, ndimuam 11 familje. Duke i falënderuar bëmirësit, dhe për këtë aksion i angazhuam për me bërë verifikimin e familjeve…
Nacionali: A do të vazhdojë kjo iniciativë edhe në të ardhmen?
Shaip Bajrami: Po ne kemi deshirë bile deri sa të jetë kjo gjendje e jashtëzakonshme mos me u ndalë, me i mbështet familjet në nevoja, varet edhe sa na ndihmojnë njerëzit vullnetmirë…
/Nacionali/
No Comment