Në bibliotekën e qytetit “Mehmet Jusufi” në Preshevë, u shënua aktiviteti “Kongresi i Manastirit”, në të cilin u lexuan tri kumtesa me rëndësi dhe në interes të lexuesve dhe pati recitim të një poezie.
Edhe pse në kushte Pandemie, duke i respektuar në përpikmëri rekomandimet e qeverisë u mbajt ky manifestim në mënyrë mediale.
Me kumtesat e tyre u paraqitën: Mr. Reshat Neziri , drejtor i bibliotekës, i cili foli në aspektin historik dhe politik të Kongresit të gjuhës shqipe të Manastirit. Profesori i gjuhës dhe i letërsisë shqiptare, Shefat Ademi, foli në aspektin përgjithësues gjuhësor, ndërsa shkrimtari Bilall Maliqi, foli për rëndësinë e Kongresit të Manastirit në aspektin letrar. Pati recitim të një poezie nga nxënësi dhe poeti Elton Mehmeti, poezinë “Gjuha shqipe” dhe me një monolog u paraqit nxënësja Besa Asllani.
Për kumtuesit u ndan mirënjohje nga biblioteka “Mehmet Jusufi”.
/Nacionali/
No Comment