Dita Ndërkombëtare e Fëmijëve është kthyer jo vetëm në një ditë festive, por edhe në një ditë për ti thënë jo dhunës dhe abuzimit ndaj fëmijëve. Është dita kur vetë fëmijët shprehen lirshëm për të thënë të drejtat e tyre.
Dita e fëmijëve u vendos në datën 1 qershor, sepse në këtë datë është mbajtur Konferenca Botërore e Mirëqenies së Fëmijëve në Gjenevë, në 1925. Dy vjet më pas Festa e 1 qershorit filloi të festohet në të gjithë botën.
Kjo festë i gjenë fëmijët në disa vende të botës të abuzuar, të keqpërdorur, duke i futur në punë që nuk iu takojnë atyre, pra keqtrajtimi i fëmijëve, duke i detyruar të punojnë punë të rënda fizike, duke ua ndaluar apo edhe duke ua penguar procesin adukativo-arsimor.
Edhe në komunat tona, brenda institucioneve shkollore, sigurisht se flitet për këtë ditë me rëndësi për botën e fëmijëve dhe për tretmanin që duhet ta kenë ata në shkollë, në shtëpi dhe në shoqëri.
Në Entin Parashkollor 8 Marsi në Qytetin e Preshevës u shënua kjo datë me rëndësi nga edukatoret me fëmijët parashkollor, dhe me fëmijët tjerë, me këngë të ndryshme, valle dhe me recitime poezish.
Fëmijët perormuan bukur në festën e tyre e cila shënohet tradicionalisht çdo vit në këtë institucion pareashkollor.
/Nacionali/
No Comment