Zyra për të rinj në Preshevë në bashkëpunim me Shoqatën e Shkrimtarëve “Feniks” (Luginë e Preshevës), organizon konkurs poetik për nxënësit e shkollave fillore të komunës së Preshevës. Në lajmërimin e organizatorëve thuhet:
LAJMËRIM
Lajmërohen nxënësit e shkollave fillore nga komuna e Preshevës se Zyra për të Rinj në Preshevë, në bashkëpunim me Shoqatën e Shkrimtarëve “Feniks” (Luginë e Preshevës), hapin konkurs poetik. Poezitë konkurruese, autoriale nxënësit mund t’i dërgojnë tek arsimtari Fitim Nuhiu, emailin e tij, fitim.nuhiu@hotmail.com, ose në zyrën e defektologut, Fidan Nuhiut.
Afati i fundit i dorëzimit të poezive konkuruese është data 22.02.2022.
Sqarim:
Duhet dërguar vetëm një poezi autoriale, gjithashtu duhet shoqëruar:
Emri, mbiemri, klasa – paralelja.
Tema e poezive është e lirë.
Shpallja e fituesve do të jetë me datë: 02.03.2022
Tre vendet e para për fituesit e këtij konkursi poezish nga juria e përzgjedhur, do të shpërblehen në vlerë monetare dhe do të ketë edhe shpërblime të tjera për konkurentët tjerë.
Të gjithë pjesëmarrësit e konkursit, do të pajisen me certifikata për pjesëmarrje…
Zyra për të rinj dhe Shoqata e Shkrimtarëve “Feniks” u dëshiron suksese konkurruesve…
/Nacionali/
No Comment