Në sallën e madhe të kuvendit komunal të Preshevës, në kuadër të ShTKK-së për Luginë të Preshevës, u përurua dy vëllimshi panoramik i librit “Romancë e përflakur “ (1 dhe 2), të autorit Hysen Këqiku, botim i SHTKK-së.
Në përurim përpos krijueseve morën pjesë kryetarja e komunës zonja Ardita Sinani, kryetari i KKSH-së, z. Ragmi Mustafi, prof. dr. Shefki Selami, të cilët përshëndetën të pranishmit dhe daljen në dritë të këtij libri.
Përurimin e librit e udhëhoqi kryetari i SHTKK-së, z. Xhemaledin Salihu.
Për librin folën redaktori i librit, shkrimtari Jonuz Fetahaj, recensenti i librit, Nehat Ramizi dhe kryetari i ShSh “Feniks” Preshevë, Bilall Maliqi, i cili me një vështrim foli për vlerat e dy vëllimeve panoramike.
Në emër të krijueseve në libër, të pranishmit i përshëndeti edhe poetesha, Havushe Kasumi –Ahmeti.
Në fund, autori i librit, shkrimtari Hysen Këqiku, i përshëndeti dhe i falënderoi të pranishmit që morën pjesë në përurimin e librit të tij.
Më pas u mbajt një orë letrare në të cilën lexuan poetet e pranishme në sallë…
/Nacionali/
No Comment