Në Preshevë përurohet kompleti i librave të Ing. Hysamedin Ahmeti-Hyska!


Në hapësirat e Bibliotekës së Qytetit “Mehmet Jusufi” në Preshevë u përurua kompleti i librave i inxhinierit Hysamedin Ahmeti-Hyska.

Ky përuruim u organizua nga Shoqata e Shkrimtarëve “Feniks” (Luginë e Preshevës) në bashkëpunim me Bibliotekën e Qytetit “Mehmet Jusufi” në Preshevë dhe e udhëhoqi kryetari i Shoqatës, z. Bilall Maliqi.

Për kompletin e librave të karakterit profesional shkencor të lëmit të elektroteknikës, në mungesë të recensentëve u lexua mendimi  recensentit të librit, Dr.sc. Izet Hoti.

Në këtë përurim morën pjesë dashamirë të librit, kolegë të autorit, nxënës, drejtori i SHMT “Presheva” në Preshevë, z. Telat Arifi, anëtarë të Shoqatës së Shkrimtarëve “Feniks” dhe të tjerë.

Drejtori i SHMT “Presheva” në Preshevë, z. Telat Arifi, përshëndeti punën e palodhshme të auotrit dhe u zotua që do t’i ndihmojë materialisht për botimet tjera të radhës.

Në emër të familjes, të pranishmit i përshëndeti djali i autorit, arkitekti, z. Ermal Ahmeti.

Në fund autori i librave i falënderoi përzemërsisht të gjithë të pranishmit për pjesëmarrje masive në përurimin e librave të tij.

Pjesa e dytë e përurimit u pasurua edhe me një orë letrare, në të cilën lexuan poetët nga Shoqata “Feniks” : Avni Shaqiri, Enver Sahiti, Bilall Maliqi, Elton Mehmeti, Maida Salihu, Rumejsa Jakupi dhe Jona Rrustemi.

/Nacionali/

Previous Më 16 Qershor mbahen garat regjionale të recitimit …
Next Zgjatet mësimi edukativo-arsimor në Serbi

No Comment

Leave a reply

Your email address will not be published. Required fields are marked *