Shoqata e Shkrimtarëve “Feniks” (Luginë e Preshevës), shënoi “Flakën e Janarit” në SHMT “Presheva” në Preshevë, me paralelen e medicinës. Për rëndësinë e këtij Manifestimi, foli poeti, Avni Shaqiri, i cili elaboroi një historik për Vëllezërit Gërvalla dhe për Kadri Zekën, të cilët u vranë në qytetin, Untergrupenbach në Gjermani.
Edhe kryetari i Shoqatës, shkrimtari Bilall Maliqi, foli për këtë aktivitet, i cili shënohet në shumë qytete shqiptare.
Më pas pati orë letrare në të cilën lexuan këta poetë: Bilall Maliqi, Avni Shaqiri, Valbona Hasani, Emine Murseli, Ramize Halimi, Tomor Kelmendi dhe Maida Salihu.
Pati edhe recitime të poezive, të nxënësve të kësaj shkolle.
I njëjti Manifestim u mbajt edhe në shkollën fillore “Prof. Ibrahim Kelmendi” në Preshevë, në të cilën u fol në pika të shkurtra për historikun e “Flaka e Janarit” dhe u mbajt orë letrare në bashkëpunim me Grupin letrar të kësaj shkolle.
Me këtë Manifestim dhe me këto dy orë letrare, nis “Karvani i Shkrimtarëve i Luginës”, për vitin 2022.
/Nacionali/
No Comment