Të shtunën dhe të dielen në Preshevë u mbajt konferenca shkencore me temën ““Trashëgimia kulturore materiale paluajtshme e Luginës së Preshevës dhe e viseve shqiptare”, organizuar nga shoqata e trashëgimisë dhe Krijimtarisë Kulturore me seli në Preshevë.
Kjo konferencë u bë edhe më e suksesshme , sepse u shënua edhe 10 vjetori i themelimit të kësaj shoqate.
Konferenca u mbajt në sallën e Kuvendit komunal të Preshevës, duke filluar në ora 11 u mbajt Konferenca shkencore, ku morën pjesë studiues eminent të lëmisë së trashëgimisë kulturore nga Shqipëria , Maqedonia, Kosova dhe Lugina e Preshevës.
Konferenca shkencore u mabjt me rastin e 10-vjetorit të themelimit, punës dhe veprimtarisë së Shoqatës për trashëgimi dhe Krijimtari Kulturore. Ajo u themelua më 16 tetor 2010.
Konferenca shkencore filloi me seancën solemne, të cilën e drejtuan: Prof.Dr. Agron Xhagolli, Prof.Dr.Nebi Islami, Dr. Nevrije B. Ismaili, Avokat Agron Isa Gjedia dhe Xhemaledin Salihu.
Fjalë rasti në Konferencën shkencore pati Xhemaledin Salihu, profesor, studiues dhe kryetar I Shoqatës për Trashëgimi dhe Krijimtari kulturore e Luginës së Preshevës me seli në Preshevë mbi Qëllimi i Konferencës: Shqyrtimi dhe trajtimi shkencor i Trashëgimisë kulturore material të paluajtshme e Luginës së Preshevës.Synimi i Konferencës: Botimi komplet i materialit në një publikim/vepër/.Lugina e Preshevës dhe viset shqiptare kanë një pasuri të bollshme të trashëgimisë kulturore materiale të paluajtshme, e cila nuk është hulumtuar, studiuar , trajtuar e shqyrtuar shkencorisht sa duhet.
Andaj qëllimi kryesor i saj është që në suaza të mundësisë ajo të hulumtohet, studiohet, trajtohet dhe shqyrtohet me metoda shkencore, pastaj për ta përmbledhur në një libër për publikun, për të arriturat sidomos të Luginës së Preshevës dhe viseve shqiptare në këtë lëmi, të trashëgimisë kulturore materiale të paluajtshme.
pra, temat e studiuesve mund të trajtojnë e shqyrtojnë:
-Kalatë, Kështjellat, Parqet arkeologjike, Lokalitetet, Vendbanimet, Nekropolet
-Xhamitë, Teqetë, Tyrbetë, Kishat, Manastiret, Varrezat
-Shtëpitë, Odat, Kullat
-Ndërtesat shoqërore, Hanet, Mullinjtë, Çezmet, Bunaret
-Përmendoret, Lapidaret, Bustet, Pllakat përkujtimore
-Objekte e vende të tjera të trashëgimisë kulturore material të pa luajtshme.
Poashtu në fjalën e rastit fli edhe mbi punën dhe veprimtarinë shumë të bollshme, të suksesshme të Shoqatës për 10 vjetët e saj.
Shumë Studiues e përshëndetën Konferencën shkencore: Prof. Dr. Agron Xhagolli nga Tirana, Prof.Dr. Nebi Islami nga Presheva, Avokat Agron Isa Gjedia nga Tirana, Dr.sc. Mustafë Haziri nga Mitrovica, Dr.sc. Minir Ademi nga Kumanova etjerë, të cilën uruan Shoqatën për 10 vjetorin e themelimit dhe për punën, sidomos në organizimin e sukseshshme të Konferencave shkencore.
Pastaj Qenan Haxhi Vlora Hamdiut iu nda një Falënderim për kontributin e dhënë në financimin e shumë Konferencave shkencore gjatë veprimtarisë së Shoqatës, po edhe të kësaj Konference.
Seancën e parë të Konferencës e drejtuan: Prof.Dr. Agron Xhagolli, Dr. Nevrije B. Ismaili dhe Avokat Agron Isa Gjedia, ndërsa referuan: Prof. dr. Agron Xhagolli, Bashkëzanime midis kulturës materiale dhe jomateriale, Dr. Nevrije B.Ismaili, Tyrbja e Roganës, Dr. sc. Besim Morina, Xhamia e Verbovcit, historiku dhe imamët e saj ndër breza, Avokat Agron Isa Gjedia, Oda e burrave institucioni më me rëndësi i traditës, Mr.sc. Jeton Sallahu, Disa nga mullinjtë e rajonit të Vushtrrisë, Mr. sc. Aliriza Selmani, Të dhëna nga trashëgimia e kulturës materiale ne qytetin e Gjilanit gjatë sundimit osman, Doc.Dr.Minir Ademi, Teqet si objekte fetare në rajonin e Kumanovës me rrethinë, Prof. Xhafer Cakolli, Historiku i Arkitekturës së ndërtimit të shtëpive në fshatin Krilevë–Dardanë shekulli XVIII-XIX.
Pastaj pati diskutime shumë të frytshme, pyetje dhe përgjigje të referuesve.
Seancën e dytë të Konferencës shkencore e drejtuan: Prof.Dr. Nebi Islami, Dr.sc. Besim Morina dhe Dr.sc. Mustafë Haziri, ndërsa referuan: Hysen Këqiku, Velegllava- Velia Glaua
Ismet Tafili, Bashkëpunimi i Qendrës Rajonale me koleksionuesit private, Xhemaledin Salihu, Lokalitete dhe vendbanime arkeologjike në Preshevë dhe Nehat Ramizi, Tërnoci si vendbanim i hershëm i Luginës së Preshevës.
Pastaj u zhvilluan diskutimet lidhur me referatet e studiuesve.
Fjalën përmbyllëse në Konferencën shkencore e pati Prof.Dr. Agron Xhagolli.
Në Konferencën shkencore ishin prezent edhe: Isuf Dubova nga Prishtina, Unioni Shqiptaro-Gjerman, Hamit Balaj nga Tirana, Shoqata Kulturore Luzha dhe Ismet Hyseni shkrimtar nga Gjilani.
Të theksojmë se Studiuesit nga Maqedonia e Veriut nuk mundën të marrin pjesë, për shkak të Pandemisë COVID 19, patën pengesa për të hyrë në Preshevë.
/Nacionali/
No Comment