Epidemiologu Predrag Kon thotë se masat nuk do të forcohen nga 1 tetori, se nuk do të ketë karantinë, por që kontrolli i masave ekzistuese duhet të forcohet, veçanërisht kur bëhet fjalë për tubime që janë të ndaluara.
Sipas mendimit tim, kontrolli i zbatimit të masave duhet të shtrëngohet pak, në mënyrë që tetori të jetë i pranueshëm për ne derisa të bëhet vaksinimi kundër gripit sezonal, i cili fillon në tetor, tha Kon në RTS, duke shtuar se numri i vaksinave u dyfishua këtë vit.
Kur bëhet fjalë për shkollat, tani, siç vlerësoi ai, “mbikëqyrja ka funksionuar” edhe në shkollat e mesme.
Sipas tij, rreth 23,000 qytetarë të Serbisë që janë kthyer nga jashtë i janë përgjigjur deri më tani E-portalit të Ministrisë së Shëndetësisë, dhe midis tyre kishte 36 persona me simptoma të Kovid-19.
Ai shtoi se sistemi i raportimit tek autoritetet është bërë me qëllim të ngadalësimit të virusit dhe se Serbia është në një situatë të qëndrueshme por të pasigurt, sepse potenciali i virusit është shumë i lartë, gjë që tregon një situatë shumë të keqe në vendet fqinje.
/Nacionali/
No Comment