Në pikën kufitare të Depcës u ndal veprimtari dhe humanisti i njohur nga Lugina e Preshevës, z. Sadik Sadiku nga fshati Rahovicë, me pretekstin se kishte një pako me libra autoriale, apo më mirë të themi 16 copë libra monografik me titull “Kronikë e një kohe, Lugina gjithçka për Kosovën” në bashkautorësi me krijuesin tjetër po ashtu nga Rahovica e Preshevës, gazetarin dhe poetin Hasan Emërllahu.
Ky libër autorial përfshin në vete materiale të thukëta për një kohë kur në Kosovë popullata shqiptare ishte në gjendje katastrofale humanitare e Sadik Sadiku së bashku me njerëz vullnetmirë dhe me Shoqatën Humanitare “Nënë Terezë” në Preshevë, ka bërë organizime humanitare për vëllezërit shqiptarë andej kufirit, me gjësende ushqimore dhe me të holla, të cilat janë të paraqitura bukur me shifra dhe me fakte në këtë libër dhe po ky libër në këtë pikë kufitare u ndal dhe nuk u lejua të hyjë në territorin e komunës sonë.
Me këtë, autori i librit, Sadik Sadiku, shprehi indinjatën, pakënaqësinë dhe revoltën e tij për këtë akt të padrejtë, për ndalimin e librit.
Për këtë autori i librit ka njoftuar edhe Këshillin Kombëtar Shqiptar, për këtë problem dhe për këtë padrejtësi që iu ka bërë dhe që po i bëhet librit shqip.
Ky është postimi i Sadik Sadikut, pasi u ndalua në pikën kufitare në Depcë:
Vakitë e sundimtarit:
Edh pse doli nga shtypi libri me titull “Kronikë e një kohe” lugina… ”Gjithçka për Kosovën”.
Por libri nuk u lejua të hy në Preshevë!
Pra kështu është: Kur nuk e ke shtetin tënd,nuk je as zot në shtëpinë ku ke lind.madje edhe gëzimi nuk po mvarëka nga dëshirat e tua që i ke,por nga sunduesi me kend je!
77 vite jetë,i kalitur me lloj-lloj probleme bardh e zi!
Ditën e djehit e prita me shumë gëzime,por ajo më doli krejtësisht e kundërta!
Mbasi që i nxorra nga botimi 300 ”egzemplarë” të monografis, 15 copa i ndava per t’i sjell në shtepi,por rojat kufitare serbe në vendkalimin Muçibab nuk mi lejuan dhe ”edepsëzat” më detyruan që t’i këthej mbrapa atje nga kisha ardhur,kinse ato qenkan botime inkriminuese ndaj shtetit Serbi!
/Nacionali/
No Comment