Nga nëntori, studentë nga Bujanoci praktikant në Ministrinë e Drejtësisë në Republikën e Kosovës

Një gjë të tillë e ka bërë të ditur Ministri i Drejtësisë, Selim Selimi përmes një postimi në Facebook.

Ai mes tjerash ka thënë se ” E drejta për identitet kombëtar, arsim, zhvillim e punësim janë të drejta të patjetërsueshme të cilat Serbia nuk do të mund t’ua mohojë.”

Pas pranimit të angazhimit të praktikantëve në Ministrinë e Punëve të Jashtme dhe Diasporës të Republikës së Kosovës, ky është hapi i dytë në këtë drejtim nga ministrat e Qeverisë së Kosovës.

Postimi i plotë i Selim Selimit:

Që nga fillimi i muajit nëntor krejt këta studentë të Fakultetit Juridik të Universitetit të Prishtinës, që vijnë nga Komuna e Bujanocit do të fillojnë praktikën profesionale në Ministrinë e Drejtësisë. Kjo është vetëm njëra nga përmbushjet e zotimeve tona për mbështetjen e bashkëkombësve tanë që jetojnë në Serbi. E drejta për identitet kombëtar, arsim, zhvillim e punësim janë të drejta të patjetërsueshme të cilat Serbia nuk do të mund t’ua mohojë.