Nga shpallja e gjendjes së jashtëzakonshme nga shteti, të gjitha shkollat në Serbi janë mbyllur si pasojë e virusit korona, prandaj me kërkesë dhe vendim të Ministrisë së Arsimit të Republikës së Serbisë, mësimi për shkollat fillore dhe të mesme si dhe fakultete do të zhvillohet online përmes tv stacioneve, duke filluar nga mediumi publik RTS dhe të gjitha medieve lokale.
Mësimi online do të filloj nga sot edhe në komuant tona të Preshevës, Bujanocit dhe Medvegjës, me orar të caktuar si më poshtë:
Këtë njoftim e ka bërë edhe KKSH-ja, përkatësisht kryetari Ragmi Mustafa, në faqen e tij në fb.
Ai falënderon të gjithë drejtorët e shkollave fillore dhe të mesme të Luginës për bashkëpunim. Po ashtu falënderon edhe mediet si: RTV SPEKTRI, RTV ALDI, RTV BUJANOC dhe RTV PRESHEVA.
Mësimi online fillon sot për t’u munduar sadopak që nxënësit mos të shkëputen nga procesi edukativo-arsimor.
Të gjithë mësuesit, arsimtarët dhe profesorët do të punojnë sipas orarit parashikuar nga drejtorët e shkollave.
Mësimi online është praktikuar nga Ministria si masë preventive e ruajtjes dhe izolimit të nxënësve në shtëpitë e tyre, nga virusi vdekjeprurës Covid 19.
/Nacionali/
No Comment