Nis reciprociteti. Ja si duken tabelat prova për të hyrë në Kosovë!

Qeveria e Kosovës mori vendim që nga sot të vendoset reciprocitet ndaj Serbisë, sa i përket targave të automjeteve.

Dokumentin në fjalë e ka nënshkruar Ministri i Punëve të Brendshme, z. Xhelal Sveçla.

Ndryshe me Marrëveshjen e Brukselit për lëvizjen e lirë, e cila u arrit në korrik të vitin 2011 në dialogun teknik ndërmjet Kosovës dhe Serbisë, ishte përcaktuar që të gjithë pronarët e veturave që banojnë në Kosovë, duhet të përdorin targat ‘KS’ (Kosovë) ose ‘RKS’ (Republika e Kosovës) dhe kështu t’i hiqnin nga përdorimi targat që për serbët e Kosovës i lëshonte Ministria e Punëve të Brendshme e Serbisë.

Gjatë këtij viti, Ministria e Brendshme e Kosovës ka njoftuar se do të hiqen nga qarkullimi të gjitha targat ‘KS’ dhe veturat e Republikës së Kosovës do të bartin vetëm targat RKS.

Ndryshe që nga orët e para të mëngjesit në pikën kufitare Kosovë-Serbi, saktësisht në Jarinje janë vendosur forca të shumta policore nga Njësitë e Specializuara të Policisë së Kosovës.

Të njëjtit po kujdesen nga afër për rend dhe ligj duke pas parasysh situatën që mund të krijohet nga ky vendim.

Ja si duket tabela prova për automjetet që hyjnë nga Serbia në Kosovë pas reciprocitetit…

/Nacionali/