Në Republikën e Serbisë sot ka filluar procesi edukativo-arsimor nëpër shkolla fillore, me orare të larmishme, e shkollat e mesme sipas të gjitha gjasave do të mësojnë online.
Këto shkolla fillore, e sidomos nga klasa e parë deri në të katërtën do të vijojnë mësimin në shkolla, por nga 15 nxënës, duke e ruajtur distancën socilae dhe me vendosje të maskave, ndërsa nga klasa e pestë deri në të tetën do të mësojnë edhe në shkollë edhe në platformën online.
Oborri i shkollës fillore “Prof. Ibrahim Kelmendi” në Preshevë ishte i mbushur me nxënës dhe fillorista, të cilët për herë të parë futen në këtë shkollë.
Edhe më atraktive këtë ditë e bëri edhe profesori i edukatës muzikore, z. Bashkim Halimi, i cili përmes tingujve muzikorë u dëshiroi mirëseardhje të gjithë filloristëve.
Në mesin e nxënësve kishte edhe prindër, të cilët kishin dalur t’i përcjellin fëmijët e tyre për në shkollë.
Po ashtu mirëseardhje nxënësve dhe sidomos filloristave i dëshiroi edhe drejtoresha e shkollës, zonja Fitore Sahiti, e cila në fjalimin e saj drejtuar nxënësve potencoi:
-Të dashur nxënës, prindër të nderuar, e sidomos ju që për herë të parë hyni në klasë të parë, ju dëshiroj mirëseardhje dhe suksese të mëdha në nxënie të diturisë. Të gjithë ju nxënës do të vijoni mësimet me orar, të cilën e kemi caktuar për shkak të virusit korona, prandaj shpresojmë për një vit të suksesshëm shkollor.
Kjo ditë është e veçantë për shkollarët, meqenëse një kohë të gjatë u ka munguar shkolla dhe mësuesit e tyre…
/Nacionali/
No Comment