Njoftim nga Bashkësia Islame e Preshevës!

Bashkësia Islame e Preshevës, përmes një postimi në profilin e tyre në Facebook, njofton qytetarët e Luginës së Preshevës me kushtet për dhe gjatë faljes së KURBAN BAJRAMIT.
Në këtë postim veç tjerash thuhet:

بسم الله الرحمن الرحيم

Të nderuar dhe të respektuar besimtarë,

Më lejoni që në emrin tim personal dhe në emër të Bashkësisë Islame në Preshevë, t’iu uroj festën e Kurban Bajramit, e që është ditën e premte, më 31 korrik 2020.
Siç jeni në dijeni, ne dhe e tërë bota, jemi duke kaluar në momente të vështira të pandemisë me COVID 19 dhe po kalojmë në rrethana të ndryshme të jetës sonë.
Prandaj jemi të detyruar të marrim edhe disa masa mbrojtëse për dhe gjatë ceremonisë së festimit të Kurban Bajramit, ndër to:

1. Falja e namazit të Sabahut të anulohet me xhematë, kështu që secili prej nesh këtë namaz le ta fale në shtëpinë e vetë
2. Namazi i Kurban Bajramit të falet në orën 06:03., ndërsa xhemati i cili dëshiron ta falë këtë namaz, le të vij 10 min. para kohe.
3. Të mbahet distanca si brenda dhe jashtë Xhamisë.
4. Maskat janë obligative gjatë faljës se namazit të Bajramit si dhe çdo namazi tjetër ditor.
5. Të ketë dezinfektues në çdo Xhami.
6. Sexhadet janë obligative.
7. Të gjithë ata persona që ndihen keq ose kanë ndonjë shenjë ftohje, apo ndonjë simptom të COVID 19, nuk janë të mirëseardhur në Xhami, pa marrë parasysh moshën.
8. Hytbeja të jetë sa ma e shkurtër gjatë Bajramit, max. 10 min., sikur edhe hytbeja e Xhumasë.
9. Mos u përshëndetni me dorë me njëri-tjetrin dhe mos uroni Kurban Bajramin me përshëndetje të dorës, mbani distancën njëri me tjetrin.
10. Mos krijimi i turmave të njerëzve për urimin e Kurban Bajramit, mjafton edhe me urime nga larg.
11. Të jemi sa më të ndërgjegjshëm dhe sa më të kujdesshëm me njëri-tjetrin.
12. Të mos përdoren abdes’hanet e Xhamive dhe toaletet e tyre.

Të nderuar besimtarë,

Më lejoni edhe njëherë t’iu uroj festën e unitetit, drejtësisë, sakrificës, festën e Kurban Bajramit.
Allahu kabull ua bëftë të gjithë atyre që kanë pre kurban e ua mundësoftë atyre që nuk kanë pasë mundësi!

Me fat festa e Kurban Bajramit e Allahu ju ruajtë!

m.IBRAHIM ef. AHMEDI
Kryetar i B.I. Preshevë