Përmes një postimi në faqen zyrtare të facebook, Komuna e Preshevës ka lajmëruar qytetarët për radhët e gjata në stacionin policor të Preshevës dhe njëkohësisht ka shprehur keqardhje për një rast të tillë, me rastin e aplikimit për dokumenta të udhëtimit, sidomos këto ditë kur po qëndrojnë bashkatdhetarët tanë me pushime pranë familjeve të tyre.
Më poshtë gjeni postimin e plotë të Komunës së Preshevës
NJOFTIM
Komuna e Preshevës shprehë keqardhje me rastin e paraqitjes së radhëve të gjata tek stacioni i policisë në Preshevë, me rastin e aplikimit për dokumenta të udhëtimit, sidomos këto ditë kur po qëndrojnë bashkatdhetarët tanë me pushime pranë familjeve të tyre.
Njoftohen të gjithë qytetarët se Komuna e Preshevës në muajin Shtator ka ndarë mjete financjare për pajisje kompjuterike për stacionin policor në Preshevë.
Ky donacion është bërë me qëllim të evitimit të pritjeve të gjata të qytetarëve tanë, përmes ngritjes së efikasitetit të punës, nga ana e punëtorëve të administratës policore.
/Nacionali /
No Comment