Raportuesi për Kosovën në Parlamentin Evropian, Viola von Cramon, theksoi se në takimin e delegacioneve të Beogradit dhe Prishtinës më 12 korrik në Bruksel, shkëmbimi i territoreve nuk duhet të jetë temë.
Ajo që është e rëndësishme është fakti që shkëmbimi i territoreve nuk duhet të jetë temë dhe nuk duhet të diskutohet. Të gjitha palët duhet ta përjashtojnë këtë si opsion, sepse kjo nuk do të zgjidhë problemin e njerëzve që jetojnë në Kosovë dhe Serbi – tha Von Kramon për Lajmi.net.
Sipas saj, Bashkimi Evropian duhet të ketë pozicionin kryesor në zhvillimin e një dialogu, “sepse qëllimi afatgjatë i të dy vendeve është ende integrimi evropian”.
Von Cramon thotë se takimi në Bruksel do të jetë hapi i parë drejt rinovimit të procesit afatgjatë dhe se, sipas saj, duhet të shërbejë për të gjetur një zgjidhje afatgjatë mes Kosovës dhe Serbisë, e cila do të sillte njohjen e Kosovës dhe normalizimin e marrëdhënieve midis dy vendeve.
Nuk ka të ngjarë, vlerësoi ajo, që dialogu do të përfundojë shpejt menjëherë pas rifillimit.
Para se të vazhdohet dialogu më 12 korrik në Bruksel, një “samit virtual” midis drejtuesve të Prishtinës dhe Beogradit do të mbahet të Premten (10 korrik), i ndërmjetësuar nga Presidenti Francez Emanuel Macron dhe Kancelarja Gjermane Angela Merkel.
/Nacionali/
No Comment