Organizata humanitare “ZemZem” e udhëhequr nga drejtori gjeneral, z. Fikret Limani, si çdo Ramazan dhe në raste të tjera bën shpërndarjen e pakove humanitare për familjet në nevojë gjatë muajit të shenjtë të Ramazanit.
Kjo organizatë shquhet edhe për aktivitete të shumta hmanitare edhe në kohën e Pandemisë Covid 19, ku u ndihmoi me gjësende ushqimore shumë familjeve të Luginës së Preshevës. Po ashtu ai kërkon ndihmë materiale nga njerëzit vullnetmirë dhe humanitarë, që të tubohen mjete për të vazhduar me përgatitjen dhe shpërndarjen e pakove.
Këtë bëri të ditur z. Fikret Limani, në faqen e fb., në të cilën thuhet:
Të nderuar qytetarë të Preshevës dhe më gjerë, ” Organiza ZemZem ” në vazhdën e aktiviteteve të saja modeste dhe humanitare, edhe në këtë vitë të muajit të shenjtë të Ramazanit 2021, organizon tubimin e mjeteve materiale për përgatitjen e një pakete modeste, e cila do të shpërndahet në familjet që kanë më tepër nevojë në komunën e Preshevës dhe pse jo edhe më gjerë.
Paketa e Ramazanit 2021 përmban disa artikuj ushqimor që më së shumti i nevojiten një familjeje ku sado pak do të zbusim nevojat e tyre në këtë kohë të palakmueshme.
U jemi mirënjohës të gjithë donatorëve dhe përkrahësve të cilët me plotë sinqeritet dhe vullnet të mirë bëhen pjesë e aktiviteteve humanitare në këtë muaj të bekuar, me shpresë të madhe që Allahu të jetë i kënaqur me atë që ata japin dhe dhashtë Zoti, aktivitet tona të mos ndalen.
Përderisa kemi dashamirë dhe njerëz me vullnet dhe elan për humanizëm, ne do të shtojmë edhe më shumë vullnetin tonë që t’i shërbejmë pa kurrfarë rezerve atyre që kanë nevojë.
Krenaria i takon vetëm Zotit të të gjithë botëve, andaj shpërblimin kërkone vetëm prej Atij, pasuria e të Cilit nuk pakësohet asnjëherë.
Për më shumë informata, mund të paraqiteni në këtë numër të telefonit ( mob ) +381631825057
Me respekt, drejtori gjeneral i Organizatës ” ZemZem “. Fikret Limani.
/Nacionali/
No Comment