Për shkak të frikës nga gjendja e jashtëzakonshme që është shpallur ditë më parë në tërë territorin e Republikës së Serbisë, popullata e komunës së Preshevës me të madhe po mundohen të sigurojnë pak rezervë në gjëra ushqimore dhe higjienike.
Kjo shihet në tollovi që po bëhen në markete të komunës sonë. Sipas një shitësi në një nga marketet e mëdha të komunës sonë, brenda ditës është shitur një sasi e madhe e miellit dhe të kvasacit (fare e bukës) dhe se tani për momentin nuk kemi, por presim javën e ardhshme të vijë kontigjenti tjetër me miell.
Ai apelon te qytetarët se material ushqimor do të ketë dhe s’ka arsye për shqetësim, dhe nuk do të ngelet popullata pa gjëra të domosdoshme ushqimore.
Mielli, është produkti që më së shumti shitet në të gjitha marketet në komunën tonë.
Përveç kësaj në barnatoret e qytetit mungon analgina, panadoli, këto të kërkuara më së shumti nga popullata.
Kohë më parë përmes mejteve të informimit nga qeveria është deklaruar se nuk ka vend për panik sa i përket gjërave elementare jetësore dhe se nuk do të rriten çmimet e më shumë se 30 produkteve ushqimore dhe higjienike…
/Nacionali/
No Comment