Parlamenti Republikan i Serbisë i dalur nga zgjedhjet e fundit Parlamentare në Serbi, ku opozita serbe i bojkotoi të njëjtat, lista e bashkuar shqiptare fitoi 3 deputetë në këtë Parlament: Shaip Kamberi, Argjend Bjarami dhe Nadije Beqiri, të cilët tanimë janë aktiv në Pralementin e Serbisë.
Në këtë kohë ku ka kaluar një periudhë jo edhe e shkurtër nga zgjedhjet, emri i cili u përfol që të jetë kryekuvendar i ri i Serbisë, e që doli në pah dje ishte Ivica Daçiq, ish Ministër i Punëve të jashtme, të cilin disa nga deputetë serbë nuk e duan, siç nuk e duan edhe tre deputetët shqiptar të cilët janë në koalicion ne SDA-në e Sanxhakut, ku shef i këtij Grupi Parlamentar është z. Shaip Kamberi, kryetar i PVD-së.
Kjo u pa edhe në seancën e Parlamentit të Serbisë, ku shefi i Grupit Parlamentar z. Shaip Kamberi ia tha troç, Ivica Daçiqit lidhur me të gjitha skenaret e tij si në aspektin e shlyerjes nga lista e qytetarëve shqiptar të Luginës së Preshevës, pasivizimit të adresave të vendbanimit dhe të rolit të tij antishqiptar dhe anti kosovar në politikën e tij të Jashtme duke u nisur në përpjekjet e tij të parrshtura për çnjohjet e shteteve , të cilat më parë kishin njohur realitetin kosovar, mohimit të ekzistimit të varrezave masive me shqiptarë të Kosovës në Serbi.
Me këtë rast gjatë fjalimit të tij Kamberi i tha Daçiqit se vota e tij dhe e Grupit Parlamentar që e drejton ai, nuk do t’i shkoj Daçiqit për kryeparlamentar.
Vlen të theksohet se lista Shqiptare e dalur nga zgjedhjet e fundit paralemntare, ngeli në opozitë pa asnjë post qoftë edhe më të voglin brenda qeverisë së zonjës Ana Bërnabiq.
Kohët fundit Presidenti i Serbisë, Aleksandër Vuçiq, pas një takimi me strukturat e të partisë, tha në një konferencë për shtyp se kjo qeveri do të jetë afatshkurtër pasi, për shkak të kritikave, do të shkojë sërish në zgjedhje më 3 Prill të vitit 2022.
/Nacionali/
No Comment