Stafi i Bibliotekës së qytetit “Mehmet Jusufi” në Preshevë, vazhdon të respektojë me përpikëri rekomandimet e dhëna nga Instituti i Epidemiologhjisë së shtetit, kundër Pandemisë COVID -19, por nga lexuesit kërkohet mirëkuptim për zbatimit e tyre
Që nga shfaqja e virusit COVID -19, biblioteka e qytetit ka qenë në një linjë në respektimin e rekomandimeve nga ekspertët shëndetësorë dhe shtabi komunal për situata të jashtëzakonshme.
Tashmë në të gjitha objektet duke përfshirë nëndegët, por dhe në çdo hapësirë janë marrë masat mbrojtëse.
Si masë preventive tashmë çdo ditë bëhet dezinfektimi i objektit, por dhe lexuesit janë pajisur me maska mbrojtëse. Fillimisht është modifikuar salla e leximit me distancë, 2m, pastaj janë shtuar kapacitet për lexuesit edhe në sektorë të tjerë si dhe janë vendosur barriera prej qelqi për të shmangur kontaktin punëtorë – lexues.
Por nga momenti që studentëve u lejua hyrja në Republikën e Kosovës, drejtuesit e bibliotekës kanë ndërmarrë edhe masa shtesë , ku sot jemi pajisur me dorëza, maske dhe dezinfektues nga administrata komunale.
Andaj, kërkojmë mirëkuptim nga të gjithë lexuesit që edhe më tutje të vazhdojnë të mbajnë me vete maska dhe dorëza , por gjithashtu të shtojnë kujdesin gjatë qëndrimit në sallë dhe të dezinfektojnë duart sa më shpesh me dezinfektuesin që është në hapësirat e bibliotekës.
Të shtojmë kujdesin mos të rrezikojmë veten dhe miqtë, por dhe institucionin nga ndonjë masë ndëshkuese në rast të mos respektimit të masave.
Thuhet kështu nga stafi i Bibliotekës së Qytetit “Mehmet Jusufi në Preshevë.
/Nacionali/
No Comment