Kohët e fundit problematika me emërtimin e rrugëve dhe numrat e vendbanimit të shqiptarëve të Preshevës po i sjellin probleme të mëdha dhe vonesa kohore, nëse aplikojnë për vazhdimin e një dokumenti identifikues apo të udhëtimit.
Kjo rrjedh nga neglizhenca e drejtoratit për urbanizëm, aty ku lëshohen listat poseduese të pronave, shtëpive dhe numrave, të cilët nuk kanë pasur fare bashkëpunim me administratën policore lidhur me caktimin e numrit të dyerve të shtëpive, të cilat mandej po kanë telashe lidhur me nxjerrjen e dokumentacioneve si të udhëtimit (pasaporta) dhe të letërnjoftimit.
Përveç kësaj njerëzit presin në administratë ku caktohet emërtimi i rrugëve dhe i numrit të dyerve në mënyrë që t’i kompletojnë dokumentacionet për t’i lëshuar në administratën policore për t’u pajisur me numrin e dyerve e mandej për të aplikuar për pasaportë apo letërnjoftim.
Një qytetar i cili deshti të ngelet anonim tregoi për sfidat që i ka popullata deri në arritje të qëllimit. Ai më tej shtoi se edhe pse numri i dyerve është në listën poseduese po ashtu edhe rruga, por në polici nuk figuron numri i dyerve dhe për këtë është detyruar të pres shumë nëpër sportele në mënyrë që ta evidentoj numrin e dyerve në letërnjoftim e pasaportë, përndryshe nuk mund të nxjerrësh.
Ai shtoi se ka shumë qytetarë që heqin të zitë e ullirit që të bëjnë të mundshme rregullimin e dokumentacioneve për vete dhe për familjarët.
Sipas tij përpos humbje të kohës, monotonisë është e kushtueshme! Mua për tërë familjen time më kushtoi diku 5000 dinarë.
Derisa me rregullat dhe ligjet e fundit i kërkohet qytetarëve shqiptarë të Preshevës që patjetër të posedojnë numrin e objektit ku banojnë, kjo gjë nuk është e njëjt për vetë institucion që lëshon dokumentin.
/Nacionali/
No Comment