U përurua libri i poetes Sejhane Mehmeti, me titull “Le Code 19”, në bibliotekën e Qytetit “Mehmet Jusufi” në Preshevë.
Aktivitetin e udhëhoqi kryetari i Sh Sh “Feniks, Bilall Maliqi i cili e uroi autoren e librit.
Pastaj, për t’i përshëndetur të pranishmit doli drejtori i Bibliotekës së qytetit z. Reshat Neziri, i cili e uroi autoren dhe i dëshiroi suskese në krijimtari letrare. Edhe kryetari i SHTKK z. Xhemaledin Salihu, po ashtu e uroi autoren e librit për botimi ne radhës duke i dëshiruar suksese në krijimtari.
Për librin folën redaktori i librit, shkrimtari Jonuz Fetahaj dhe recensenti i librit, shkrimtari Hysen Këqiku, të cilët e çmuan punën krijuese të autores.
Autorja e librit i falënderoi të pranishmit për pjesëmarrje në përurimin e librit të saj të tretë.
Pjesë e këtij përurimi ishte edhe një orë letrare në të cilën lexuan poetët: Jonuz Fetahaj, Hysen Këqiku, Bilall Maliqi, Avni Shaqiri, Nehat Ramizi dhe Sejhane Mehmeti.
Ky përurim u organizua nga Biblioteka e Qytetit “Mehmet Jusufi” në bashkëpunim me Sh Sh “Feniks” dhe SHTKK-në.
/Nacionali/
No Comment