Në sallën e Kuvendit komunal të Preshevës, u përurua libri me poezi i vogëlushes Maida Salihu, me titull “Gëzimet tona”.
Ky libër u redaktua nga shkrimtari Rrahman Hyseni, i cili në fjalimin e tij shtoi se:
Përmbledhja me poezi “Gëzimet tona” është libri i saj i parë.
Ajo tregoi guximin, arsyeton suksesin e shkëlqyeshëm në shkollë, krenari për familjen, mësuesen në rend të parë.
Poezitë që tani janë para nesh, si: Kush tjetër, Mund të jetë, Veç ti nënë, autorja përshkruan qenien më sublime në botë me emrin nënë, ndërkaq me poezinë
Babai është mësimi, Ne jemi e ardhmja e tij… përsiat fjalët, herë i bëhen jetë e herë e ardhmja
Në poezinë me temën
Për ty mësuese,më pëlqen të shkruaj
vargje të bukura
mësuesit janë figura kryesore.
Ndërkaq, në pamundësi për të ndryshuar diçka nga jeta reale poeti/ja zihet me vargun e tij/saj siç është poezia në këtë libër
Ndriço vendin tonë!
Për të drejtat e njeriut.
Vetëm dhjetëvjeçare ajo në poezitë e saj përfshin përditshmërinë, familjen shkollën mësuesen, shoqet qytetin dhe gjithçka nga jeta.
Kjo do thotë se përkushtimi i saj qysh në ktë moshë tregon se ka rrugëtim të mirë, por pa dyshim i gjatë dhe jo i lehtë dhe ne i dëshirojmë vetëm të mira, përfundon fjalimin e tij, redaktori i librit Rrahman Hyseni.
Pak biografi
Maida Salihu është̈ e lindur më 29.07.2010 në fshatin Shoshajë e Poshtme, komuna e Preshevës. Tashmë vijon mësimet në klasën e katërt në shkollën fillore “Ibrahim Kelmendi” në Preshevë dhe është nxënëse e shkëlqyeshme.
/Nacionali/
No Comment