Sot në sallën e madhe të Shtëpisë së Kulturës “Abdulla Krashnica “në Preshevë, u përurua libri i karakterit monografik, me titull “Nor(ç)a nëpër kohë” i autorit mr. Reshat Neziri.
Ky përurim u organizua nga Biblioteka e Qytetit “Mehmet Jusufi” në Preshevë.
Fjalë rasti pati drejtoresha e Bibliotekës, zonja Mimoza Saqipi, e cila e përgëzoi autorin e librit për librin dhe për punën e tij në cilësin e drejtorit të mëparshëm të institucionit që tanimë e drejton ajo.
Më pas u recitua një poezi ngaa libri, shkruar nga Bilall Maliqi, nga poeti Elton Mehmeti. Për librin u lexua një fragfment nga recensioni i recensentit, Prof.dr. Nebi Islamit.
Pati prapë lexim të një poezie, kushtuar toponimeve të fshatit Norçë nga poetja Valbona Hasani.
Njëri nga redaktorët e librit, profesori Hajredin Neziri, foli për librin në aspektin gjeografik.
Për të folur për vlerën e librit, fjalën e mori shkrimtari Bilall Maliqi, i cili e çmoi lart punën e autorit si në aspektin teknik po ashtu edhe në ate artistik.
Më pas fjalën përshëndetëse e mori autori i librit, i cili i falënderoi norçarët dhe pjesëmarrësit tjerë në përurimin e librit të tij.
Në fund drejtoresha e Bibliotekës, me rastin e pensionimit të Reshat Nezirit nga Biblioteka, i dhuroi një mirënjohje dhe një dhuratë simbolike.
Fare në fund para të pranishmëve e këndoi një këngë këngëtari Agim Kadriu…
/Nacionali/
A%20%20nëpër%20kohë%20i%20Mr.%20Reshat%20Neziri){kind=link}
No Comment