Në fillim të takimit në Shtëpinë e Bardhë, Presidentit të Serbisë, Aleksandër Vuçiq, iu dorëzua një letër sipas së cilës Serbia duhet të njohë Kosovën shtet të pavarur.
Ministri i Financave Sinisha Mali, theksoi se në letrën që iu ka dorëzar presidentit, kishte 16 pika, e pika e 10-të ishte e diskutueshme dhe kërkon në mënyrë të qartë njohjen reciproke të të dy palëve.
Pika 10 në origjinal lexon:
“Të dy palët angazhohen për njohjen e ndërsjellë dhe mbrojtjen e pakicave etnike, kthimin e pasurisë, zgjidhjen e statusit të individëve pa shtetësi dhe bien dakord të hapin zyra përgjegjëse për mbrojtjen dhe raportimin vjetor të të drejtave të pakicave.”
Ose në përkthimin serbisht:
“Të dy palët janë të angazhuara për njohjen reciproke, mbrojtjen e pakicave etnike, kthimin e pronës, zgjidhjen e çështjes së personave pa shtetësi dhe bien dakord të hapin zyra detyra e të cilave do të jetë të mbrojnë dhe raportojnë rregullisht mbi të drejtat e pakicave çdo vit.”
Disa media më parë raportuan gabimisht se Grenel i kërkoi Vuçiqit që të nënshkruante menjëherë vetëm pavarësinë e Kosovës, gjë të cilën Grenel e mohoi.
/Nacionali/
No Comment