Doli nga shtypi libri më i ri me poezi i shkrimtarit, Bilall Maliqi, me titull “Pikëpyetje kohës” edituar nga shtëpia botuese “Lena” Prishtinë.
Sipas redaktorit të librit, shkrimtarit, Shkëlzen Halimi, Bilall Maliqi, është një nga poetet më produktiv që vije nga treva e Luginës së Preshevës, tashmë emër i njohur në të gjitha hapësirat shqiptare, edhe përmes këtij vëllimi poetik (PIKËPYETJE KOHËS), na dëshmon se ai, përmes vargut, arrin që me sukses t’i shprehë shqetësimet e veta të brendshme, shqetësime këto që mbase janë të njëjta me ato të botës shqiptare. Poezia e Maliqit krijon imazhe të brendshme që shprehin aktualitetin e gjithë asaj që ndodh në nën-qiellin tonë. Në poezitë e tij ka edhe dashuri, por ka edhe zhgënjim, ka edhe dhimbje, por edhe shpresë dhe mëtim për ndryshimin e realitetit. Edhe gjeografia e poezisë së tij shpërndahet gjithandej mbi trojet tona, duke e krijuar edhe gjeografinë e tij shpirtërore. Poezi me plot figura stilistike, butësi e theksuar shpirtërore dhe me shumë mesazhe. Padyshim këto karakteristika tregojnë edhe për pjekurinë e Bilall Maliqit….
Ky është libri i tij i tridhjetekatër…
/Nacionali/
No Comment