Hasan Emërllahu, lindi më 1946 në fshatin Rahovicë, komuna e Preshevës. Shkollën fillore katërklasëshe e kreu në fshatin e lindjes, ndërsa tetëvjeçaren dhe gjimnazin në Preshevë. Studimet i nisi në vitin 1966/67 në Sarajevë, katedra e orientalistikës. Dega gjuhë dhe letërsi arabe. Më 1968/69 kaloi në Beograd, për t’i vazhduar studimet në të njëjtën lëndë.
Në NGBG “Rilindja” u punësua në vitin 1975, si korrespondent i rregullt nga Presheva deri më 1977, ku kaloi në Prishtinë dhe punoi shef i shërbimit të korrekturës të “Rilindjes”, ndërsa më vonë përsëri kthehet si gazetar-redaktor për përcjelljen e gazetës.
Në korrik të vitit 2002, punësohet në Ministrinë e Transportit dhe Postë –Telekomunikacionit, në sektorin e informimit, ku emërohet udhëheqës i Zyrës për Informim të MTPT deri më gusht 2009, ndërsa që nga viti 2010 pensionohet.
Ka qenë kryetari i parë i Klubit Letrar “Feniks” në Preshevës në vitin 1975.
Hasan Emërllahu shkroi Monografinë për intelektualin dhe patriotin e devotshëm të çështjes kombëtare, Shaip Mustafën me titull “Shaip Mustafa në dokumentet arkivale”.
Në vitin 2012, botoi librin me poezi për fëmijë “Jeta në fshat është dukat”.
Në vitin 2015 botoi Monografinë “Abdulla Krashnica” (Preshava dhe lufta e saj për bashkim kombëtar dhe vetëvendosje”.
Në vitin 2019, Hasani botoi edhe Monografinë me titull “Yzeir Sadiku plagë ashti e popullit tim”.
Ndërsa në vitin 2021, në bashkautorësi me Sadik Sadikun, botoi Monografinë “Kronikë e një kohe Lugina gjithçka për Kosovën”.
Hasan Emërllahu jeton dhe vepron në Prishtinë.
No Comment