Për të shkruar për profilin e intelektualit, gjuhëtarit dhe krijuesit, prof. Eroll Sejdiu, duhet kohë më të gjatë dhe hapësirë shumë e madhe, ndoshta edhe një libër të tërë, pasiqë, profesori, Eroll Sejdiu, me punën e tij kërkimore, shkencore dhe gjuhësore ka ngritur një ngrehinë të sukseseve të tij, prej profesori që ka edukuar breza të rinj, duke ua mësuar gjuhën e bukur shqipe, gjuhën e të madhit, Naim Frashëri, për të rrugëtuar kështu nëpër udhën e sukseseve të pakontestueshme në lëmin profesional e shkencor, në të cilën ka dalë mjaft i suksesshëm, për këtë kanë shkruar studiues të mirëfilltë të gjuhësisë.
Prof. Eroll Sejdiu me moshë të re që ka, është në rrugë të mbarë t’i japë shumë gjuhësisë dhe pritet që të njëjtën ta bëjë në të ardhmen, duke e ditur mirë kapacitetin e tij, si studimor, po ashtu edhe në atë krijues, duke na ofruar libra të ri nga fusha e gjuhësisë, për të cilat kemi nevojë ne kjo pjesë e etnikumit shqiptar, por edhe shkenca e gjuhësisë në përgjithësi.
Si një gjuhëtar i spikatur që është, si një pasardhës i Akademik Idriz Ajetit, i Akadamik Rexhep Ismajlit e disa gjuhëtarëve me nam që kanë prejardhje nga Lugina e Preshevës, ka punuar dhe po punon në çdo formë për ruajtjen dhe kultivimin e gjuhës së pastër shqipe, duke i luftuar barbarizmat e fjalët e huaja që nuk i bëjnë nderë as gjuhësisë sonë e as kombit në përgjithësi.
Prof. Erolli autor i disa librave.
Prof. Eroll Sejdiu ka botuar edhe libra të karakterit gjuhësor, jo veç për ta arsyetuar titullin fituar, por librat e tij kanë vlerën e domosdoshme artistike, të rralla dhe mjaft të duhura për shqiptarët : (Praktikumi i gjuhës shqipe), libër i rrallë në hapësirat tona, për të cilën kanë shkruar emra eminentë të fushës së gjuhësisë, duke e përshëndetur guximin e tij për të dalë me libra të tillë para opinionit shqiptar dhe para studiuesve më me zë të shkencës së gjuhësisë. Më pas, profesori, doli edhe me një libër tjetër, po ashtu të gjuhësisë, me titull (Njësitë frazeologjike në dialektin e Preshevës me rrethinë), në të cilin, ka mbledhur, hulumtuar dhe zbuluar fjalë në dialektin e rrethinës së Preshevës, libër ky që i ka bërë nderë kësaj pjese të etnisë dhe të gjuhësisë në përgjithësi. Pastaj, librin tjetër, të po këtij karakteri me titull (Probleme me standardin e shqipes në shkollat e Preshevës), ku vetë titulli i librit thotë shumë, pra, prof. Erolli, ka ditur dhe din ku godet.
Përveç kësaj, prof. Erolli, është mbledhës edhe i neologjizmave (fjalëformimeve), të hulumtuara nëpër libra të shumtë të shkrimtarëve të njohur, të shkruara, brenda librave të tyre, e që në një të ardhme të afërt do të dalë nga shtypi.
Administrator i faqes Gjuha Standarde shqipe.
Përveç këtyre që i thamë më lartë, prof. Erolli, themeloi edhe grupin Gjuha Standarde Shqipe, të cilën aktivisht dhe me sukses e administron.
Çfarë pune bën, prof. Erolli?
Prof. Eroll Sejdiu edhe pse është administrator i kësaj faqe, në të cilën ka anëtarë emra të shquar të gjuhësisë, ai, poston shkrime me interes për lexuesit dhe për ata që duan të dinë më tepër për gjuhën standarde shqipe, për drejtshkrimin pa gabime të gjuhës sonë të bukur.
Në këtë faqe, postohen shkrime me rëndësi, ku për lajthitjet e rastit, apo për ndonjë pyetje që kërkon shpjegim nga anëtarët e grupit, por edhe vetë administrator jep shpjegime të thukëta dhe të nevojshme për opinionin e gjerë.
Gjuha Stadarde Shqipe me grupin dhe me administratorin e suksesshëm prof. Erollin, ka qenë dhe është më se e nevojshme për t’i ndarë mendimet, propozimet dhe shtjellimet me interes mbarëshqiptar.
Vlen të theksohet se profesor Erolli është i angazhuar edhe për përpilimin e Fjalorit të ri Gjuhës Shqipe, bashkë me ekipin, siç janë: Akademik Jani Thomai, Prof. dr. Valter Memisha, Prof. Dr. Begzad Baliu dhe disa të tjerë. Pra është një sukses i madh i studiuesit tonë të gjuhësisë, të jetë në mesin e emrave të mëdhenj të gjuhës shqipe…
Bilall Maliqi, shkrimtar
No Comment