Në mbledhjen e mbajtur sot, Shtabi Komunal për Situata të Jashtëzakonshme në Preshevë, pas një analize të thellë ka nxjerrë këto konkluzione:
- i propozohet Kryetarit të Komunës që të shpall situatën e jashtëzakonshme epidemiologjike – për shkak të COVID-19, në tërë territorin e Komunës së Preshevës,
- autorizohet Drejtori i Shtëpisë së Shëndetit në Preshevë që të koordinoj punën e barnatoreve kujdestare dhe të ndaloj dhënien e medikamenteve pa recetë të mjekut,
- urdhërohen ordinancat private në Preshevë që të informojnë Shtabin komunal për situata të jashtëzakonshme ose Shtëpinë e Shëndetit në Preshevë, për çdo rast të paraqitur të pacientëve me simptome të COVID-19.
- autorizohet Kryeshefi i Administratës komunale në Preshevë që të shkurtoj orarin e punës për punëtorët e sektorit publik, gjatë kohës së situatës së jashtëzakonshme dhe lirimin nga puna të punëtorëve mbi 60 vjeç, nënave me fëmijë të vegjël dhe punëtorëve me sëmundje kronike.
- urdhërohet ndalimi i punës së restoranteve, kafeterive dhe objekteve të gastronomisë, prej orës 20:00 deri në ora 05:00, gjatë kohës së situatës së jashtëzakonshme.
- Inspekcioni komunal në koordinim me Stacionin Policor në Preshevë vazhdimisht të kontrolloj zbatimin e konkluzioneve të
Shtabit komunal për situata të jashtëzakonshme dhe zbatimin e urdhëresës së Ministrisë së Shëndetësisë të Serbisë, numër 512-02-9/30/2/2020-01 të datës 16 korrik 2020.
Vendimet hynë në fuqi nga sot.
No Comment