Dr.Ekrem Sefiu lindi më 28 nëntor 1972 në Preshevë. Përfundoi shkollën fillore “15 nëntori” (tani “Prof. Ibrahim Kelmendi” në Preshevë, ndërsa të mesmën në Gjimnazin “Skenderbeu” drejtimi shkencor-matematikor, po ashtu në Preshevë.
Më 1991 filloi studimet në Universitetin e Rijekës, drejtimi Mjekësi e përgjithëshme , ndërsa më datën 27 tetor 1998 iu nënshtrua provimit përfundimtar dhe u diplomua pranë këtij fakulteti.
Pas diplomimit, një pjesë të stazhit profesional e kreu tek “Shtëpia e Shëndetit” në Preshevë , kurse pjesën tjetër në QKUK në Prishtinë ku dhe përfundoi provimin profesional më 1999.
Specializimin nga lëmia e kirurgjisë e filloi në korrik tëvitit 1999 në QKUK Prishtinë, në kirurgjinë abdominale-reparti C ku shef i atëhershëm ishte Prof.Dr.Ali Zatriqi, si dhe asistentët e kirurgjisë Dr.Ismet Shaqiri , Dr.Salih Krasniqi si dhe Dr.Ymer , i cili njëkohësisht ishte edhe mentor i Dr.Ekrem Sefiut gjatë speacializimit.
Me themelimin e repartit të laparoskopisë morri pjesë aktive me asistentët e lartshënuar. Gjatë specializimit në kuadër të edukimit të vazhdueshëm profesional disaherë qëndroi në Kroaci në KB Merkur si dhe në KB Dubravë.
Provimin specialistik nga lëmia e kirurgjisë së përgjithëshme si dhe abdominale e përfundoi më 2005. Që nga viti 2006 është punësuar në spitalin “Sheikh Zayed” në Vushtrri, ku edhe është duke punuar.
Përveç kësaj, Dr. Ekremi ka edhe ordinancën private në Preshevë, ku punon me porosi dhe termine.
Vlen të theksohet se së shpejti do të jetë i prezantuar në monografinë “KIRURGËT E PËRGJITHSHËM NË QKUK, 1969 -2022.
/Nacionali/
No Comment