Ekrem Sefiu i cili vjen nga Presheva, ka treguar rezultate të frytshme sa i përket punës së tij të mjekut specialist abdominal në Republikën e Kosovës.Ai ka punuar një kohë të gjatë në shumë spitale të Kosovës dhe është njëri nga kirurgët më me zë në Kosovë.
Ai përpos punës që e kryen me shumë nderë dhe me profesionalizëm të madh, ai, i ndihmoi dhe pi u ndihmon edhe qytetarëve të Luginës së Preshevës me qëndrim të përkohshëm në qytete të Kosovës, duke ua lehtësuar telashet sa i përket dokumentacioneve që për fat të keq nuk i kanë, por ai gjithmonë i buzëqeshur, modest dhe komod në pritje dhe në ndihmë të të gjithë pacientëve.Po ashtu Dr. Ekremi punon herë pas herë edhe në Preshevë, në ordinancën e tij, ku u del në ndihmë me intervenime të lehta kirurgjikale.
Dr.Ekrem Sefiu lindi më 28 nëntor 1972 në Preshevë. Përfundoi shkollën fillore “15 Nëntori”në Preshevë, ndërsa të mesmen në gjimnazin “Skenderbeu”, drejtimi shkencor-matematikor, po ashtu në Preshevë.Më 1991 filloi studimet në Universitetin e Rijekës, drejtimi Mjekësi e përgjithëshme , ndërsa më datën 27 tetor 1998 iu nënshtrua provimit përfundimtar dhe diplomoi në këtë fakultet.
Pas diplomimit, një pjesë të stazhit profesional e kreu në “Shtëpia e Shëndetit” në Preshevë , kurse pjesën tjetër në QKUK, Prishtinë, ku dhe përfundoi provimin profesional më 1999.Specializimin nga lëmia e kirurgjisë e filloi në korrik të vitit 1999 në QKUK Prishtinë, në kirurgjinë abdominale-reparti C ku shef i atëhershëm ishte Prof.Dr.Ali Zatriqi si dhe asistentët e kirurgjisë Dr.Ismet Shaqiri , Dr.Salih Krasniqi si dhe Dr.YmerAliu, i cili një kohësisht ishte edhe mentor i Dr.Ekrem Sefiut gjatë speacializimit.
Me themelimin e repartit të laparoskopisë morri pjesë aktive me asistentët e lartshënuar. Gjatë specializimit në kuadër të edukimit të vazhdueshëm profesional disa herë qëndroi në Kroaci në KB Merkur si dhe në KB Dubravë.
Provimin specialistik nga lëmia e kirurgjisë së përgjithëshme si dhe abdominale e përfundoi më 2005. Që nga viti 2006 është punësuar në spitalin “Sheikh Zayed” në Vushtrri, ku edhe është duke punuar.
/Nacionali/
No Comment