Në pikat kufitare të Depcës, Konçulit e Tabanoces këto ditë kemi një fluks të madh të bashkatdhetarëve, të cilët vijnë në pushimet e fundvitit, por që në këto pika kufitare ata presin me nga dy orë e më tepër për të hyrë në territorin e Kosovës dhe të Maqedonisë .
Kjo pritje bëhet si rezultat i kontrollimeve rigoroze nga ana e punonjësve në të dyja anët.
Për më tepër kjo shkakton edhe pakënaqëi tek njerëzit që presin, për shkak të kohës së humbur.
Për një bashkatdhetar i cili deshti të jetë anonim, kjo pritje është e panevojshme dhe dhunë psikologjike për neve.
Ai vjen nga Zvicra, përkatësisht nga qyteti i Sangalës, duke kaluar edhe kufij të tjerë, por këtu kemi pritje të gjata.
“Kalova kufijtë që nga Austria, Sllovenia, Kroacia dhe Serbia, nuk kemi pritur kaq gjatë, edhe pse në kufijtë tjerë nuk kemi aq fluks të bashkatdhetarëve. Këtu edhe kontrollimi bëhet ngadalë, gjithçka është monotone”, shprehet i riu nga komuna e Gjilanit A. H, i cili jeton dhe vepron në Zvicër.
Kujtojmë se këto pritje të gjata ndodhin edhe gjatë stinës së verës, por me intenzitet më të shtuar.
No Comment