Para stacionit policor në komunën e Preshevës, çdo ditë shihen radhë të gjata të pritjes së njerëzve për t’u pajisur me dokumentacione personale si: letërnjoftim, pasaportë dhe për dokumentacione të tjera si: për caktimin e vendqëndrimit, dokumentacione për targa të automjeteve, leje të vozitjes etj, etj., të cilat krijojnë shumë tollovi para stacionit policor.
Edhe pse me termine, prapëseprapë ka pritje të gjata, vaçanërisht tani kur kanë ardhur bashkatdhetarët, të cilët presin me radhë për t’u pajisur me dokumentacone të ndryshme, letërnjoftime, të cilat po u nevojiten për të lëshuar dokumetacionet për pasaportë, e disa edhe për ta rregulluar pensionin.
Këto pritje po shkaktojnë nervozizëm tek ata që po presin, sepse ka nga ata që me ditë të tëra presin në radhë e nuk mund assesi të mbarojnë punë.
Edhe bashkatdhetarët, shumica e trye nuk po mund t’i mbarojnë punët e tyre, sepse ata e kanë kohën e caktuar të pushimit, e dokumenatcionet po u nevojiten t’i kryejnë sa janë në pushim.
Njëri nga bashkatdhetarët, shprehet: “Kam ardhur në pushim dhe tani më duhet ta nxjerr letërnjoftimin për t’i lëshuar dokumentacionet për pension, por ka tre ditë që pres e nuk po mund të hy e të mbaroj punë, këndej ditët e pushimit po kalojnë e nuk po mund të mbaroj punë”.
Ka edhe shumë të tillë nga bashkatsdhetarët që ankohen për këto pritje, deri më tani, për ta të paarsyeshme…
/Nacionali/
No Comment