Prozatori i njohur gjithandej trojeve shqiptare e që është me prejardhje nga Presheva , shkrimtatri Ramadan Rexhepi botoi romanin e tij më të ri të titulluar “Udhëkryqi”, botues shtëpia botuese “Agora Print” me editor Emin Azemi.
Kohë më parë, përmes shtëpisë botuese “Beqir Musliu” në Gjilan iu botua edhe libri me titull “Dy novela” e që gjeti shumë shpejt rrugën deri te lexuesi dhe te kritika letrare.
Lidhur me publikimin e botimit të librit në fjalë, shkrimtari Ramadan Rexhepi në rrjetin e tij të fb. Shprehet:
Mbrëmë, deri sa po i ndiqja lajmet, mora një lajm të këndshëm: Udhëkryqi, romani me të cilin e fillova veprimtarinë time letrare, do të prezantohet edhe një herë në gjymtyrat e tij burimore.
Këtë herë Udhëkryqi po sheh dritë nën kujdesin e Shtëpisë Botuese Agora Print, të cilën e drejton zotëri Emin Azemi, autori i Librit mbi Bllacën dhe njeri nga gazetarët më të spikatur që ka shtypi shqiptar.
Isha djalë i ri kur vendosa ta shkruaj atë rrëfim të gjatë mbi ëndrrat e atyre që kalbeshin nëpër burgjet jugosllave, dhe në kujtim të motrave që duhej të bëheshin burra për t’i mbajtur familjet që të mos ikin në Turqi.
Sot, kur gjaku i qindra e qindra martirëve të Kosovës është nxjerrë në pazar, shqiptarët dhe shqiptarkat e reja duhet ta shfletojnë këtë rrëfim dhe të mësojnë për cka ëndërronte Metush Krasniqi, Adem Demaci, Jusuf Gërvalla e shumë tjerë dhe përse Kosova- në ballë me Adem Jasharin – u cua në këmbë.
Sot,pas gjithë asaj dhune që u ushtrua mbi një popull duarthatë dhe pas atij alamet egzodi që s’ kishte parë bota, shqiptarët, kudo që janë nëpër botë, bëjnë mirë të shkojnë në Prekaz dhe ta pyesin veten kush qeveri është ajo që do ta shesë dinjitetin e një populli të pavarur.
Udhëkryqi, përndryshe, do të promovohet më datën 1 tetor në Institutin e Trashigimisë Shpirtërore dhe Kulturore të Shqiptarëve në Shkup.
Preshevari Ramadan Rexhepi jeton dhe vepron në Malme të Suedisë…
/Nacionali/
No Comment