Punëtorëve të sektorit të pastërtisë të “Moravicës” dhuratë 11 palë rroba të punës…

Z. Xhafer Ismaili (aga Xhafë) dhuroi 11 komplete rrobash punëtorëve të ndërmarrjes “Moravica” në Preshevë, respektivisht sektorit të pastërtisë.

Këtë akt human e falënderoi përzemërsisht shefi i sektorit të pastërtisë në ndërmarrjen “Moravica”, z. Adnan Rashiti.

Me këtë humanizëm të z. Ismailit, sadopak punëtorët e këtij sektori do të kenë rroba të reja të punës, meqenëse në këtë sektor duhet shpesh të ndërrohen rroba të punës për shkak të natyrës së punës. Mjetet për t’i blerë rrobat i ka dërguar djali i z. Xhaferit, z. Muhamed Ismaili, i përkohësisht jeton dhe veprion në Zvicër.

Ky akt i zotëriut Ismaili, duhet të jetë shembull edhe për të tjerët, e sidomos për bashkatdhetarët dhe për bizmesmenët që të tregojnë humanizëm, jo vetëm tek shtresat e varfëra të shoqërisë…

/Nacionali/