Kryetari i Këshillit Kombëtar Shqiptar, Ragmi Mustafa përmes një postimi në Facebook iu është kundërpërgjigjur Nebojsha Çoviq, ish nën/kryeministri i Serbisë dhe ish-kryetari i Trupit Koordinues të Këshillit të Ministrave të Serbisë dhe Malit të Zi dhe Qeverisë së Serbisë për komunat e Preshevës, Bujanoc dhe Medvegjës i cili ka deklaruar për gazetën Politika, se “shqiptarët e Luginës “pa sukses po përpiqen të bëjnë një paralele me kërcënimin e të drejtave të serbëve në Kosovë.”
Ragmi Mustafa është shprehur ndër të tjera se “z. Çoviq po të ishte qytetar i ndërgjegjshëm për pozitat e rëndësishme politike që ka mbajtur do të reagonte në radhë të parë për mos realizimin e planin e dy qeverive të emëruara edhe nga mbiemri i tij si “Plani i Çoviqit”.
Postimi origjinal i tij :
Z. ÇOVIQ KËRKO REALIZIMIN E PLANIT PËR ZGJIDHJEN E KRIZËS NË LUGINË. KU MBET PLANI PËR “ZHVILLIMIN E PËRSHPEJTUAR EKONOMIK DHE PËRFSHIRJA E SHQIPTARËVE NË INSTITUCIONET SHTETËRORE/PUBLIKE” – ZOTIME SHTETËRORE!
z. Çoviq po të ishte qytetar i ndërgjegjshëm për pozitat e rëndësishme politike që ka mbajtur do të reagonte në radhë të parë për mos realizimin e planin e dy qeverive të emëruara edhe nga mbiemri i tij si “Plani i Çoviqit”.
Posaçërisht dy nga synimet e atij plani si “zhvillimi i përshpejtuar ekonomik dhe përfshirjen e shqiptarëve në institucionet shtetërore/publike”.
Presheva, Bujanoci dhe Medvegja edhe më tej mbeten komunat më të pa zhvilluara dhe me papunësinë më të lartë në Serbi. Të ardhurat për frymë janë për gjashtë herë më të ulëta se mesatarja në Beograd.
Nebojsha Çoviq, ish nën/kryeministri i Serbisë dhe ish-kryetari i Trupit Koordinues të Këshillit të Ministrave të Serbisë dhe Malit të Zi dhe Qeverisë së Serbisë për komunat e Preshevës, Bujanoc dhe Medvegjës paska deklaruar për “Politikën” se shqiptarët e Luginës “pa sukses po përpiqen të bëjnë një paralele me kërcënimin e të drejtave të serbëve në Kosovë. Dëshira e tyre është që të relativizojnë në këtë mënyrë shkeljen flagrante të të drejtave të njeriut të serbëve dhe joshqiptarëve të tjerë në Kosovë, dhe duke bërë një paralele inekzistente, ata përpiqen të forcojnë pozicionin e tyre negociues në dialog, i cili ndoshta do të ndodhin “.
Si zyrtari kyç i shtetit, z. Çoviq ishte zotuar se shqiptarët do të realizonin të drejtat e tyre në Serbinë e demokratizuar pas “marrëveshjes së demobilizimit dhe demilitarizimit” e tash nuk e sheh të udhës as të kërkojë debllokimin e dialogut mes Qeverisë së Serbisë dhe përfaqësuesve institucional e politik të Luginës së Preshevës.
Kjo vetëm sa forcon bindjen për qasjen armiqësore të shtetit e ish zyrtarëve shtetërorë ndaj komunitet shqiptarë.
Dhe krejt në fund për ironi nga fjalët e tij mund të kuptojmë që shqiptarët e Luginës do të jenë temë dhe pjesë e dialogut Kosovë-Serbi.
No Comment