Gjatë vizitës që kryetari i KKSh-së z. Ragmi Mustafi i bëri kryeqytetit të Shqipërisë, Tiranës, pati takime me kryetarin e Bashkisë së Tiranës, z. Erion Veliaj, e ditë më parë edhe me studentët e Luginës së Preshevës.
Ai, në takim me kryebashkiakun e Tiranës, z. Veliajn biseduan për çështje thelbësore, për nevojën e fuqizimit të të rinjve në secilin aspekt të jetës.
Lidhur me këtë, kryetari, Mustafi, në rrjetin social të facebookut shkruan:
Tirana është Kryeqyteti Evropian i Rinisë për 2022 – Një titull që jepet nga Forumi Evropian i Rinisë i krijuar për të fuqizuar të rinjtë, për të nxitur pjesëmarrjen e të rinjve dhe për të forcuar identitetin evropian.
Në kuadër të kësaj, pata kënaqësinë të takoj kryetarin e Tiranës, mikun tim, Erion Veliaj, me të cilin theksuam nevojën thelbësore që edhe të rinjtë e Luginës së Preshevës të kenë mundësi të barabarta për të formësuar jetën sociale, ekonomike, politike dhe kulturore duke marrë pjesë në këtë program.
Veliaj si gjithmonë shprehu gatishmërinë e tij për Luginën e Preshevës, ku edhe në këtë rast do të krijohet hapësirë që edhe të rinjtë e Luginës së Preshevës të jenë pjesë e këtij makro programi, ku do të zbatohet përmes 8 Programeve, të cilët qëndrojnë si kolona mbajtëse nën sloganin “Activate Youth”.
Shumë faleminderit Erionit dhe kryeqytetit të Shqipërisë, Tiranës, për këtë mbështetje dhe gatishmëri që rinia e Luginës së Preshevës të jetë pjesë e Tirana EYC 2022.
/Nacionali/
No Comment