Ramazani në kohë të pandemisë

Kryetari i Bashkësisë Islame në Preshevë , Ibrahim Ahmedi

Angazhimi dhe informimi i xhematit në kohë të pandemisë:
Jo shpeshëherë njerëzit goditen nga gjëra të rënda, sikur që po përballemi në aktualitetin tonë me pandeminë COVID-19. Feja islame nëpërmjet të ajeteve kuranore që janë fjalë te Zotit dhe nëpërmjet të hadiseve që janë porosi të Pejgamberit a.s., burime në të cilat ne mbështetemi, dhe nëpërmjet të cilave gjithmonë kanë paraprirë kujdesi dhe mbrojtja edhe në këto rrethana. Andaj dhe angzhimi jonë për këshilla, mbrojtje, dhe informim të popullatës së Preshevës, për të gjitha gjërat e nevojshme ka qene maksimal duke përfshrië këtu dhe njoftimin e saktë e me kohë, bile edhe për ndryshimet dhe lëvizjet më të vogla
Parimi jonë kryesor ka qënë ai që xhematin e porosisim edhe jashtë kohës së pandemisë, e ai është durimi. Nën moton: “Kujdes po e panikë jo!”, – kemi vepruar pothuaj gati dy muaj me radhë…
Mesazhi për besimtarët e Luginës së Presheves
Jemi të vetëdijshëm se po kalojmë një Ramazan jo të zakonshëm, një Ramazan që nuk e kemi përjetuar më parë. Megjithatë si çdo sfidë tjetër, shpersojmë ta kalojmë edhe këtë barrë të rëndë që na kapluar në formë globalet të gjithëve.
Mesazhi jonë është që besimtarët të qëndrojnë në shtëpi dhe të vazhdojnë e të kryejnë obligimet e tyre që janë të porositur nga Zoti, dhe qe u dedikohen atyre gjatë kohës së Ramazanit.
Besimtarët i porosisim, kështu:

• ata që nuk kanë pengesa shëndetësore, të vazhdojnë dhe të agjërojnë ditët e muajit të bekuar,
• të falin namazet, sidomos namazin e teraviheve nëpër shtëpitë e tyre, edhe pse nuk arrijmë të dalim dhe të falim së bashku, padyshim se Zoti do të na shpërblejë sikur kur e kemi falë së bashku me xhemat në xhami, sepse Allahu na di neve dhe e di gjëndjen tonë më mirë se ne..
• të lexojmë Kuran me aq sa kemi mundësi.
• të mundohemi të japim sadaka dhe të ndihmojë të gjithë ata që janë në gjendje më të vështirë se ne.
• të japim sadakatul fitrin për mirëmbajtjen e Medresesë, aq më shumë kur dihet se ky institucion shërben falë ndihmës dhe kontributit të popullit të trevës sonë, pra vetë banorëve të Preshevës.

Dhe krejt në fund lusim Zotin që të na shpërblejë me sevabe për sabrin tonë të dëshmuar gjatë këtyre ditëve, sepse “Innema juveffesabirune exhrehum bi gajri hisab” – “Vërtetë Allahu i shpërblen sabërlinjtë – durimtarët pa llogari!”.

Ajeti tjetër që duhet të na përcjellë në çdo hap është ai se:
“Innallahe meassabirinë”
“Allahu është me durimtarët”.
Prandaj asnjëherë nuk duhet të harrojmë se ne po durojmë, por Zotin e kemi në anën tonë.

Me shpresë që të presim edhe shumë Ramazane në kohë të tjera më të mira se kjo, e inshaallah lutemi që Ramazani i sivjemë në këto kushte qoftë i fundit i kësaj forme.
Allahu na pranoftë duatë/lutjet dhe ibadetet/agjërimin dhe namazet tona. Amin!

/Nacionali /