Partia për Veprim Demokratik përmes një kumtese ka reaguar ndaj deklaratave nga pushteti lokal në Preshevë, që ditët e gjykatës po i proklamon si rikthim të gjykatës në Komunën e Preshevës.
Një gjë e tillë nga PVD po shihet si manipulim me opinionin, të cilën po e bënë APN.
Ky është postimi origjinal i PVD :
Manipulimet dhe loja me kërkesat legjitime të Shqiptarëve të Luginës së Preshevës nga ana e Shqiprim Arifit nuk kanë të ndalur. Në vazhdën e këtyre manipulimeve, gjatë ditës së djeshme, kryetari pa legjitimitet i komunës së Preshevës, në faqen e tij paraqiti një “arritje” dhe “realizim” të një premtimi të kahmotshëm, rikthimin e Gjykatës Themelore.
Tashmë kemi hyrë në periudhën kur komuna e Preshevës është në prag të zgjedhjeve, për shkak të paaftësisë së Shqiprim Arifit për të mbajtur shumicën e nevojshme në Kuvendin Komunal. Andaj, nuk kishte se si të ndodhte ndryshe, që edhe për së dyti her pas emërimit nga qeveria serbe në krye të Organit të përkohshëm, qarqe të caktuara nga shteti serb t’ia jepnin një dorë fushatës propaganduese të APN dhe Shqiprim Arifit, ashtu sikurse në zgjedhjet e kaluara në vlugun e fushatës ndodhi me temën e kufirit Miratoc – Llojan.
Kjo që nga Shqiprim Arifi paraqitet arritje, në fakt është degradim i kërkesave më legjitime të përfaqësuesve politik Shqiptarë të Luginës së Preshevës, pasi që edhe në Vendimin e Gjykatës Themelore të Bujanocit të datës 23.11.2020 ceket se nga 3 janari i vitit 2021 do të fillojnë të mbahen ” sudski dani ” (ditët e gjykimit).
Vlen të sqarohet se me “ditët e gjykimit” nuk rikthehet Gjykata Themelore në Preshevë, por në ditë të caktuara dhe me orar të caktuar mund të mbahen seanca gjyqësore të kontesteve civile. Gjykata Themelore rikthehet vetëm atëherë kur ndryshohet Ligji për selitë e Gjykatave dhe Prokurorive.
Qeveria e Serbisë, me vetëdije të plotë po i shfrytëzon rastet e “shqiptarëve të dëgjueshëm” si Shqiprim Arifi, që degradimin e kërkesave jo vetëm për rikthimin e Gjykatës, t’a paraqes si përmbushje të kërkesave ndaj Shqiptarëve të Luginës së Preshevës.
Prandaj viti 2021 duhet të shënojë hapjen e një kapitulli të ri në komunën e Preshevës, dhe ku në krye të saj duhet të jenë udhëheqës që do t’i shtyjnë përpara kërkesat e qytetarëve, e jo degradimin e tyre ta paraqesin sukses.
Shërbimi për Informim i
Partisë për Veprim Demokratik
No Comment