Çantat e fëmijëve, sidomos atyre të grupit klasorë peshojnë më tepër se mund t’i bartin në shpinë nxënësit, kjo, ngase tani janë shtuar librat në secilën lëndë dhe ate nga dy e më shumë libra, të cilat janë edhe voluminoze, pastaj fletoret dhe kjo krijon një peshë e cila mund të ndikojë negativisht në shëndetin e fëmijëve, sidomos në boshtin kurrizor të tyre.
Në pyetjet tona drejtuar tre nxënësve në fshatin Norçë të Preshevës, të cilët vijojnë mësimet në nga klasa e dytë deri në të katërtën, në paralelen e ndarë të sh.f. “Prof. Ibrahim Kelmendi “ paralelja në Norçë, e të cilët deshtën të ngelin anonim, na thanë se çantat e tyre peshojnë shumë, sa na lodhin deri në shkollë dhe kur kthehemi në shtëpi.
Në anën tjetër shkollat tona nuk kanë kushte që nxënësit t’i lënë librat në shkollë nëpër raftet e tyre të cilat mungojnë dhe prindërit t’ua blejnë të njëjtat libra për në shtëpi, e që nxënësit të bartin në çantat e tyre vetëm fletoret dhe lapsat.
Sipas një studimi të bërë nga specialistë të shëndetësisë së Kosovës thuhet se :
Specialistë të shëndetësisë në Kosovë kanë kryer një studim se sa peshojnë çantat e nxënësve dhe si rëndojnë ata mbi shëndetin e tyre. Përfundimet janë vërtet alarmante. Sipas specialistëve të shëndetit publik të Kosovës, çanta e shpinës së fëmijëve nuk është problematike thjesht për faktin se shkakton lodhje momentale të nxënësve, por edhe për shkak se shkakton dëmtime afatgjatë në shtyllën kurrizore. Studimi i kryer nga disa specialistë të arsimit, ka dalë në përfundimin se pesha e çantave të nxënësve, jo vetëm në Shqipëri, por edhe në vendet fqinjë, është mjaft e rëndë. Për disa klasa rezulton se pesha e çantës është tej normave të lejuara, në raport me peshën trupore, gjatësinë e nxënësit, gjatësinë e rrugës që ai përshkon, etj. Kësisoj, lypset “heqja” e pjesëve të tepërta që rrezikojnë kurrizin e nxënësve, si për shembull e kapakëve të rëndë. Sipas standardeve për limitet e ngarkesës fizike të fëmijëve në raport me peshën e trupit, 10 për qind, del se ngarkesa fizike e nxënësit të klasës së parë është për mbi 500 gram. Sipas kësaj, pesha e çantës duhej të ishte rreth 2.4 kg për djemtë. Sipas specialistëve të arsimit, por edhe mjekëve ortopedë, kjo peshë, prej disa kg, nuk është pak për moshën e fëmijës shtatëvjeçar, kur dihet se është moshë kur bëhet formësimi dhe rritja e trupit. Gjithashtu kjo është shqetësuese edhe për vajzat, ku pesha mesatare e trupit është 23.800 kg, ndërsa pesha mesatare çantës është 2.7 kg. Ngarkesa këtu është rreth 300 gram. Në shumë vende të botës kjo është alarmuar shumë. Matjet e bëra në fushën e fizioterapisë pediatrike kanë treguar se ka shumë nxënës me devijime të boshtit kurrizor.
Shpresojmë që një ditë ministria e Arsimit ta ketë në konsideratë këtë problematikë, në mënyrë që të ruhet shëndeti i fëmijëve tanë, sepse ashtu të lodhur nga kjo peshë nuk mund të kenë mësim komod as në shkollë, as në shtëpi.
/Nacionali/
No Comment