Sot në komunën e Preshevës, njëjt edhe në komunat tjera të Serbisë shpërndahen shtesat e fëmijëve dhe këtë datë çdo herë ka tollovi para hyrjes së postës.
Në kohë të Pandemisë COVID 19, kur masat janë ende të rrepta lidhur me ruajtjen nga infektimi i mundshëm i popullatës së komunës sonë, përfituesit duhet që të mbajnë distancën sociale nga njëri-tjetri, në mënyrë të ruajtjes së popullatës nga ndonjë infektim i mundshëm.
Shumica e njerëzve që pritnin në radhë për të hyrë dhe për t’i tërhequr mjetet e shtesave të fëmijëve kishin maskat mbrojtëse dhe dorëzat, por mungonte distanca nga njëri-tjetri, kështuqë mund shumë lehtë të vie deri te infektimi i ndonjërit aty.
Aty nuk u pa ndonjë polic që të mbajë strikt të distancës sociale.
Një gjë e ngjashme është vërejtur edhe në komunën e Bujanocit, ku vërehet qartë mosrespektimi i distancës sociale, njëra ndër rekomandimet kryesore në evitimin e infektimit sipas Organizatës Botërore të Shëndetësisë dhe organizatave të tjera shëndetësore.
Vlen të theksohet se në komunën e Preshevës deri më tani nuk kemi asnjë rast të infektuar me COVID 19, kurse në Bujanoc numri ka shkuar në 8,pasi që sot është konfirmuar edhe një rast i ri i të infektuarve.
/Nacionali/
No Comment