Opinion nga Bilall Maliqi
OJQ-të që merren ekskluzivisht me kulturë, ato që kanë begrandë më të pasur dhe më të theksuar, duhet që në kuadër të komunave tona, përkatësisht diku në kthina të shtëpive të kulturës t’u ndajnë nga një zyre në mënyrë që këto organizata t’i ushtrojnë aktivitetet e tyre në mënyrë komode, shprehet Bilall Maliqi
Në komunën e Preshevës, saktësisht në brendi të shtëpisë së kulturës ka vend për dhjetëra organizata që merren me kulturë e me art, por ende nuk ekziston gatishmëria e pushtetarëve që t’ua lëshojnë pak vend përkohësisht deri në gjetje të një formuale më fatlume për këto OJQ.
Edhe në Bujanoc mund të zgjidhet ky problem, meqenëse në këtë komunë nuk ka edhe aq shumë OJQ aktive me begrandë të theksuar të aktiviteteve.
Për në Medvegjë mos të flasim, sepse atje edhe po të ketë vend, nuk do të ketë asnjëherë ndonjë iniciativë për t’u dalur në ndihmë asociacioneve që merren me kulturë.
Për ate, në Kosovë e në Shqipëri, është më lehtë të organizohen OJQ-të, si nga ana materiale, po ashtu edhe nga ana e mbështjetjeve të tjera që iu nevojiten atyre.
Ndërsa në Luginë të Preshevës, përpos nglizhencës së aparatit shtetëror për t’u dalur në ndihmë OJQ-ve shqiptare, të cilat janë të regjistruara në APR, ato anashkalohen dhe lihen në mëshirën e fatit, E njëjta qëndron edhe në informim edhe në fusha të tjera që e përthekojnë kulturën dhe informimim shqip në Luginë të Preshevës…!
NUK ËSHTË NJËJTË PËR KRIJUESIT DHE VEPRIMTARËT KULTUROR BRENDA OJQ-VE QË VEPROJNË NË PRISHTINË E NË TIRANË ME ATA TË LUGINËS…!
Të jesh shkrimtar në Luginë të Preshevës, nuk është edhe aq lehtë, sepse përpos vështirësive materiale që ka për botime, shoqërohet edhe me pasiguri, sa i përket shkrimeve të tij, të cilat duhet t’i nënshtrohen ose gjysëmhermetizmit apo hermetizmit, me qëllim të shmangies së syrit të pushtetit, edhe pse është hequr delikti verbal, por prapëseprapë krijuesi luginas duhet të ketë kujdes se çfarë shkruan. Këto vështirësi janë bërë përditshmëri tek krijuesit që jetojnë dhe veprojnë në këtë krahinë të populluar me shumicë shqiptare.
Shkrimtari në Luginë është si të thuash brenda një gëzhoje, i ndarë në gurë kufijsh, të cilët përpos telasheve për botime të librave, kanë telashe edhe për ushtrimin e aktiviteteve të tyre, sepse gjithnjë janë të preokupuar në shpërndarjen e botimeve të tij dhe ndalesa në kufij të imponuar.
Të vetmen adresë për takim, bashkëbisedim me kolegët e tij krijues, shkrimtari e ka në Shoqatën e Shkrimtarëve “Feniks” të Luginës së Preshevës, ku mundohet ta gejë veten, të afirmohet dhe të bëj emër edhe jashtë kufijve lokal.
Edhe pse të organizuar mirë brenda kësaj Shoqate, shkrimtari me shkrimtarin dhe me kolegët e tij nuk kanë vendtakim, apo zyre, ku do të zhvillonin aktivitetin e tyre, kjo për arsye të neglizhencës së pushtetit komunal të Preshevës, për t’u ofruar kushte sa më të mira shkrimtarëve luginas.
No Comment